[X] Close
JUST IN
  • BREAKING-NEWS தமிழகத்தில் 2 நாட்கள் மழைக்கு வாய்ப்பு: சென்னை வானிலை ஆய்வு மையம் தகவல்
  • BREAKING-NEWS குழந்தைகளை கடத்தி வைத்த புகாரில் நித்தியானந்தா மீது கிரிமினல் வழக்குப்பதிவு
  • BREAKING-NEWS 2021-ஆம் ஆண்டு தேர்தலில் தமிழக மக்கள் அதிசயம் நிகழ்த்துவார்கள்: ரஜினிகாந்த்
  • BREAKING-NEWS தமிழகத்தின் 33‌-ஆவது மாவட்டமாக இன்று உதயமாகிறது தென்காசி

விமானநிலையத்தில் தடுத்து நிறுத்தப்பட்ட விவகாரம்.. ஆளுநரிடம் அகிலேஷ் யாதவ் இன்று புகார்..!

akhilesh-yadav-to-meet-up-governor-today

லக்னோ விமான நிலையத்தில் காவல்துறையினரால் தடுத்து நிறுத்தப்பட்ட அகிலேஷ் யாதவுக்கு ஆதரவாக அவரது தொண்டர்கள் உத்தர பிரதேசம் முழுவதும் பல இடங்களில் போராட்டம் நடத்தி காவல்துறையினருடன் மோதலில் ஈடுபட்டனர்.

அலகாபாத் பல்கலைகழகத்தில் நடைபெற்ற பதவியேற்பு விழாவில் பங்கேற்பதற்காக சென்ற சமாஜ்வாதி கட்சி தலைவர் அகிலேஷ் யாதவ், லக்னோ விமானநிலையத்தில் சட்ட ஒழுங்கு காரணங்களுக்காக காவல்துறையினரால் தடுத்து நிறுத்தப்பட்டார். இந்த விவகாரம் உத்தர பிரதேசத்தின் சட்டசபையில் கடும் அமளியை ஏற்படுத்தியது.

அகிலேஷ் தடுக்கு நிறுத்தப்பட்டதை கண்டித்து சமாஜ்வாதி கட்சி தொண்டர்கள் மாநிலம் முழுவதும் போராட்டங்களை நடத்தினர். பல இடங்களில் வாகனங்களின் கண்ணாடிகள் அடித்து உடைக்கப்பட்டதுடன் காவல்துறையினருடன் மோதலிலும் ஈடுபட்டனர். இந்த விவகாரத்தை நாடாளுமன்றத்தில் எழுப்பிய சமாஜ்வாதி உறுப்பினர்களும் அமளியில் ஈடுபட்டனர்.

இதனிடையே உத்தரபிரதேச சட்டப்பேரவையில் இதுகுறித்து விளக்கமளித்த முதலமைச்சர் யோகி ஆதித்யநாத், அகிலேஷ் சென்றிருந்தால் பல்கலைக்கழகத்தில் இரண்டு தரப்பு மாணவர்களிடையே மோதல் ஏற்படும் சூழல் நிலவியதாலேயே அவர் தடுத்து நிறுத்தப்பட்டதாகத் தெரிவித்தார். இந்நிலையில் தாம் தடுத்து நிறுத்தப்பட்ட விவகாரம் தொடர்பாக உத்தர பிரதேச ஆளுநர் ராம் நாயக்கிடம் இன்று புகார் அளிக்க இருப்பதாக அகிலேஷ் யாதவ் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close