திரிணாமூல் காங்கிரஸ் எம்எல்ஏ சுட்டுக்கொலை

மேற்குவங்க மாநிலத்தில் திரிணாமூல் காங்கிரஸ் கட்சியை சேர்ந்த எம்எல்ஏ ஒருவர் சுட்டுக்கொல்லப்பட்ட சம்பவம் அதிர்ச்சியை ஏற்படுத்தியுள்ளது.

மேற்குவங்க மாநிலத்தில் திரிணாமூல் காங்கிரஸ் கட்சி ஆட்சி நடத்தி வருகிறது. முதலமைச்சராக மம்தா பானர்ஜி உள்ளார். இந்நிலையில் ஆளும் திரிணாமூல் காங்கிரஸ் கட்சியை சேர்ந்த எம்எல்ஏவான சத்யஜித் பிஸ்வாஸ் சுட்டுக்கொல்லப்பட்டுள்ளார். கிரிஷன்காஞ்ச் தொகுதி எம்எல்ஏவான சத்தியஜித் பிஸ்வாஸ், அப்பகுதியில் நடைபெற்ற சரஸ்வதி பூஜை நிகழ்ச்சியில் கலந்து கொள்வதற்காக சென்றுள்ளார்.

நிகழ்ச்சி மேடையில் இருந்து சத்தியஜித் பிஸ்வாஸ் கீழிறங்கிய நேரத்தில், அடையாளம் தெரியாத நபர் ஒருவர் சத்தியஜித்தை நோக்கி துப்பாக்கியால் சுட்டார். இதில் துப்பாக்கி குண்டு அவரின் உடலில் பாய்ந்து அவர் பரிதாபமாக உயிரிழந்தார். இதனிடையே பாஜக, மற்றும் அக்கட்சியின் தொண்டர்கள் தான் இந்த கொலைக்கு காரணம் என திரிணாமூல் காங்கிரஸ் கட்சியின் மாவட்ட தலைவர் கௌரி ஷங்கர் தத்தா ,குற்றம்சாட்டியுள்ளார். ஆனால் பாஜக இதற்கு மறுப்பு தெரிவித்துள்ளது.