[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

''மேற்கு வங்கத்தின் புகழுக்கு களங்கம் விளைவிக்கிறார் மம்தா'' - பிரதமர் மோடி 

west-bengal-mamata-banerjee-is-shielding-those-involved-in-chit-fund-scams-claims-pm-modi

ஏழை மக்களின் பணத்தை கொள்ளையடித்தவர்களுக்காக ஒரு முதலமைச்சர் தர்ணா போராட்டம் நடத்தியது இதுவே முதல் முறை என்று மம்தா பானர்ஜியை பிரதமர் நரேந்திர மோடி சாடியுள்ளார். 

சாரதா நிதி நிறுவன மோசடி வழக்கில் கொல்கத்தா காவல் ஆணையர் ராஜீவ் குமாரை விசாரிக்க, அவரது வீட்டிற்கு சிபிஐ அதிகாரிகள் சென்றனர். அவர்களை கொல்கத்தா போலீசார் தடுத்து நிறுத்தி காவல் நிலையத்திற்கு அழைத்துச் சென்று விசாரித்தனர். பின்னர் சிபிஐ அதிகாரிகள் விடுவிக்கப்பட்டனர். இந்த விவகாரத்தில் மத்திய அரசின் நடவடிக்கையைக் கண்டித்து, மேற்குவங்க முதலமைச்சர் மம்தா பானர்ஜி 3 நாட்கள் தர்ணா போராட்டத்தில் ஈடுபட்டார்.

இதனையடுத்து சாரதா சிட்பண்ட் முறைகேடு வழக்கில் கொல்கத்தா காவல் ஆணையரை விசாரிக்க அனுமதிகோரி உச்சநீதிமன்றத்தில் சிபிஐ மனு தாக்கல் செய்தது. சிபிஐ மனுவை விசாரித்த உச்ச நீதிமன்றம் மேகாலயா மாநிலத்தின் ஷில்லாங்கில் உள்ள சிபிஐ அலுவலகத்தில் கொல்கத்தா காவல் ஆணையர் ராஜீவ் குமார் ஆஜராக வேண்டுமென உத்தரவிட்டது. அதன்படி கொல்கத்தா காவல் ஆணையர் ராஜீவ் குமாரிடம் இன்று விசாரணை நடைபெற உள்ளது.

இந்நிலையில், மேற்கு வங்க மாநிலம் சுராபந்தரில் பொதுக்கூட்டம் ஒன்றில் பேசிய பிரதமர் மோடி, மம்தாவின் மோசமான ஆட்சியில் மக்கள் பரிதவிப்பில் உள்ளதாக தெரிவித்தார்.

மக்கள் நன்மைக்காக என கூறி ஆட்சியை பிடித்தவர்கள் தற்போது வன்முறை கலாச்சாரத்தை பரப்பி வருவதாகவும் ஏழை மக்களின் பணத்தை கொள்ளையடித்தவர்களுக்காக ஒரு முதலமைச்சர் தர்ணா போராட்டம் நடத்தியது இதுவே முதல்முறை எனவும் சாடினார். 

மேலும் ஊழல் செய்தவர்களையும் அவர்களுக்கு துணை போனவர்களையும் தமது அரசு விட்டுவைக்காது என பிரதமர் பேசினார்.
 

Advertisement:
Advertisement:
Advertisement:
[X] Close