[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

வீடியோகான் கடன் முறைகேடு: ஐசிஐசிஐ முன்னாள் தலைவர் மீது சிபிஐ வழக்குப் பதிவு 

videocon-loan-case-former-icici-boss-chanda-kochhar-also-named-in-fir

வீடியோகான் நிறுவனத்திற்கு முறைகேடாக வங்கிக் கடன் வழங்கிய புகாரில், ஐசிஐசிஐ நிறுவன முன்னாள் தலைவர் சந்தா கோச்சார் உள்ளிட்டோர் மீது சிபிஐ வழக்குப் பதிவு செய்துள்ளது. 

வீடியோகான் நிறுவனத்திற்கு கடந்த 2012ம் ஆண்டில் ஐசிஐசிஐ வங்கி சார்பில் ரூ3250 கோடி கடன் வழங்கப்பட்டது. இந்தக் கடன் வழங்கப்பட்ட போது வங்கியின் தலைவராக சந்தா கோச்சார் இருந்தார். 

           

இதனிடையே, சந்தா கோச்சார் தன்னுடைய அதிகாரத்தை தவறாக பயன்படுத்தி முறைகேடாக வீடியோகான் நிறுவனத்திற்கு கடன் அளித்துள்ளதாக புகார் எழுந்தது. அதாவது, சந்தா கோச்சாரின் கணவர் தீபக் கோச்சார் நடத்தி வரும் நிறுவனத்தில் வீடியோகான் குழுமத்தின் வேணுகோபால் தூத் கோடிக்கணக்கில் முதலீடு செய்துள்ளார்.

                 

எனவே தனது கணவரின் நிறுவனம் பயன்பெறும் வகையில் இந்தக் கடன் அளிக்கப்பட்டதாக வங்கியின் பங்குதாரர்கள் தரப்பில் குற்றச்சாட்டுகள் முன் வைக்கப்பட்டன.

             

இந்த விவகாரம் தொடர்பாக விசாரிக்க ஐசிஐசிஐ வங்கி நிர்வாகம் தரப்பில் குழு அமைக்கப்பட்டது. அதுவரை சந்தா கோச்சார் கட்டாய விடுப்பில் அனுப்பி வைக்கப்பட்டார். இந்த விவகாரம் தொடர்பாக சிபிஐயும் தன்னுடைய தரப்பில் விசாரணை மேற்கொண்டு வந்தது. 

            

இந்நிலையில், முறைகேடாக வங்கி கடன் வழங்கிய விவகாரத்தில் வேணுகோபால் தூத்தின் வீடியோகான், தீபக் கோச்சாரின் நுபவர் ரினவபள் நிறுவனங்கள் மீது சிபிஐ இன்று வழக்குப் பதிவு செய்துள்ளது. இந்த எஃப்.ஐ.ஆர் பதிவில் ஐசிஐசிஐ முன்னாள் தலைவரான சந்தா கோச்சார் பெயரும் இடம்பெற்றுள்ளது. மேலும், வீடியோகான், நுபவர் நிறுவனங்களின் மும்பை அலுகலங்களில் சிபிஐ சோதனை நடத்தியுள்ளது.  

கடந்த ஆண்டு தனது முதல்கட்ட விசாரணையை சிபிஐ தொடங்கியிருந்த நிலையில் இன்று வழக்குப் பதிவு செய்துள்ளது. இதனையடுத்து, வழக்கில் தொடர்புடையவர்களிடம் இனி விசாரணை நடத்தப்படும் என தெரிகிறது.

Advertisement:
Advertisement:
Advertisement:
[X] Close