[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

தூத்துக்குடி துப்பாக்கிச் சூடு சம்பவத்தை விசாரிக்கும் சிபிஐ அதிகாரி உட்பட 20 பேர் அதிரடி மாற்றம்!

cbi-interim-director-nageswara-rao-transfers-20-officers

தூத்துக்குடியில் ஸ்டெர்லைட் ஆலைக்கு எதிராக போராடியவர்கள் மீது நடந்த துப்பாக்கிச் சூடு சம்பவத்தை விசாரிக்கும் சிபிஐ அதிகாரி உட்பட 20 பேரை அதிரடியாக மாற்றியுள்ளார் சிபிஐ இடைக்கால இயக்குனர் நாகேஸ்வர ராவ்.

சி.பி.ஐ. இயக்குனராக இருந்த அலோக் வர்மாவுக்கும், சிறப்பு இயக்குனர் ராகேஷ் அஸ்தானாவுக்கும் மோதல் ஏற்பட்டது. இருவரும் ஒருவர் மீது ஒருவர் ஊழல் குற்றச்சாட்டுகளை கூறினர். இதனால் மத்திய அரசு, இருவரையும் கட்டாய விடுப்பில் அனுப்பியது. இதையடுத்து அலோக் வர்மா, உச்சநீதிமன்றத்தில் வழக்குத் தொடர்ந்து,  சி.பி.ஐ. இயக்குனராக மீண்டும் பதவி ஏற்றார். பின்னர் அவரை தீயணைப்பு மற்றும் ஊர்க் காவ ல் படை இயக்குனராக மத்திய அரசு நியமித்தது. இதனால் அவர் பதவியை ராஜினாமா செய்தார். இதற்கிடையே கட்டாய விடுப்பில் அனுப்பப் பட்ட ராகேஷ் அஸ்தானாவையும், சி.பி.ஐ. சிறப்பு இயக்குனர் பதவியில் இருந்து மத்திய அரசு நீக்கியது.

இந்நிலையில் சிபிஐ இடைக்கால இயக்குனர் நாகேஸ்வர ராவ், 20 அதிகாரிகளை அதிரடியாக நீக்கி உத்தரவிட்டுள்ளார். இதில், 2ஜி அலைகற் றை முறைகேடு வழக்கை விசாரித்து வந்த டெல்லி ஊழல் தடுப்பு பிரிவி அதிகாரி விவேக் பிரியதர்ஷினி, சண்டிகருக்கு மாற்றப் பட்டுள்ளார். 

தூத்துக்குடியில் ஸ்டெர்லைட் ஆலைக்கு எதிராக போராடியவர்கள் மீது நடந்த துப்பாக்கிச் சூடு சம்பவத்தை விசாரித்து வரும் அதிகாரி சரவணன், வங்கி முறைகேடு விசாரணை பிரிவின் மும்பை கிளைக்கு மாற்றப்பட்டுள்ளார். இந்த பிரிவு, வைர வியாபாரிகள் நீரவ் மோடி, மெஹுல் சோக்ஸி வழக்கு பற்றி விசாரணை நடத்தி வருகிறது. இங்கு மாற்றப்பட்டாலும் ஸ்டெர்லைட் துப்பாக்கிச்சூடு சம்பவத்தையும் அவர் விசாரிப்பார் என்றும் கூறப்பட்டுள்ளது. 

(நாகேஸ்வர ராவ்)

சிபிஐ அதிகாரிகள் மீதான குற்றச்சாட்டை விசாரிக்கும் சிறப்பு பிரிவு அதிகாரி பிரேம் கவுதம் பொருளாதார குற்றத் தடுப்புப் பிரிவுக்கு மாற்றப் பட்டுள்ளார். அவருக்குப் பதிலாக சத்தீஷ்கரில் குற்றப்பிரிவில் பணியாற்றி வந்த ராம கோபால் நியமிக்கப்பட்டுள்ளார். இவர்கள் உட்பட 20 அதிகாரிகளை அதிரடியாக மாற்றி சிபிஐ இடைக்கால இயக்குனர் நாகேஸ்வர ராவ் உத்தரவிட்டுள்ளார். 

 

Advertisement:
இது தொடர்பான செய்திகள் :
Advertisement:
Advertisement:
[X] Close