[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

இந்திய உணவுகள் குறித்து தவறான தகவல்கள் ! பேஸ்புக், கூகுள் தடுக்க அரசு அறிவுரை

remove-fake-content-on-food-quality-govt-tells-facebook-google

சமூக வலைதளங்களில் உணவுப் பொருட்கள் குறித்து வெளியாகும் தவறான செய்திகளைத் தடுக்க வேண்டும் கூகுள், ஃபேஸ்புக் நிறுவனங்களை மத்திய அரசு வலியுறுத்தியுள்ளது.

இந்தியாவில் தரமற்ற உணவுப் பொருட்கள் அதிகம் இருப்பதாக சமூக வலைதளங்களில் தவறான வீடியோக்கள் பரப்பப்பட்டு வருவதாக உணவு பாதுகாப்பு மற்றும் தரக் கட்டுப்பாட்டு ஆணையம் புகார் தெரிவித்துள்ளது. இதுகுறித்து தகவல் தொழில்நுட்பத்துறை அமைச்சகத்திடம் அந்த ஆணையம் புகார் தெரிவித்துள்ளது. அதன்பேரில் போலியான செய்திகளை தடுப்பது குறித்து மத்திய அரசு நடவடிக்கை எடுத்து வருகிறது. தவறான தகவல்களை பரப்பும் கணக்குகள், மற்றும் பக்கங்களை முடக்க வேண்டும் என கூகுள், ஃபேஸ்புக் நிறுவனங்களுக்கு மத்திய அரசு அறிவுறுத்தியுள்ளது.

இது குறித்து கருத்து தெரிவித்துள்ள தகவல் தொழில்நுட்பத்துறை, ''சமூக வலைதளங்களில் இந்தியாவில் கிடைக்கும் உணவுகளின் தரம் குறித்து தவறான தகவல்கள் பரப்பப்படும் செய்தி எங்கள் கவனத்துக்கு கொண்டு வரப்பட்டது. தவறாக பரப்பப்படும் செய்தி இந்தியாவின் நன்மதிப்பை குலைத்துவிடும். மக்களின் நம்பிக்கையை கெடுத்துவிடும். பிளாஸ்டிக் அரிசி, பிளாஸ்டிக் முட்டை என தவறான செய்திகள் வேகமாக பரவுகின்றன. இதனையடுத்து தவறான தகவல்களை பரப்பும் கணக்குகளை முடக்க வேண்டும் என கூகுள், ஃபேஸ்புக் நிறுவனங்களுக்கு அறிவுறுத்தியுள்ளோம் என்று தெரிவித்துள்ளது.

இந்த விவகாரம் குறித்து பேசியுள்ள உணவு பாதுகாப்பு மற்றும் தரக் கட்டுப்பாட்டு ஆணையம், உணவு குறித்த தவறான செய்தி பரவுவது உணவு சார்ந்த தொழில்களுக்கு நல்லதல்ல. தவறான செய்திகள் இந்தியா மீதான மக்களின் நம்பிக்கையை சீர்குலைத்துவிடும்.  இந்த விவகாரத்தில் சமூக வலைதள நிறுவனங்கள் உடனடி நடவடிக்கை எடுக்க வேண்டும் என்று தெரிவித்துள்ளது.

Advertisement:
Advertisement:
Advertisement:
[X] Close