[X] Close
JUST IN
  • BREAKING-NEWS இலங்கை பிரதமர் ரணில் விக்கிரமசிங்கே தனது ராஜினாமா கடிதத்தை புதிய அதிபர் கோத்தபய ராஜபக்சவுக்கு அனுப்பினார்
  • BREAKING-NEWS மாமல்லபுரத்தில் இந்திய கலாசார விழா நடத்துவதற்காக ரூ.75 லட்சம் ஒதுக்கி அரசாணை வெளியீடு
  • BREAKING-NEWS நாடாளுமன்ற தேர்தலில் இருந்த கூட்டணியே தொடரும்; அரசியலில் எதுவும் நடக்கலாம் - துணை முதல்வர் ஓபிஎஸ்
  • BREAKING-NEWS ரஜினி, கமல், விஜய் அனைவரும் மாய பிம்பங்கள், தமிழக அரசியலில் எடுபடாத சக்திகள் - அமைச்சர் ஜெயக்குமார்
  • BREAKING-NEWS உள்ளாட்சித் தேர்தலில் அதிமுக தனித்துப்போடியிட தயார் - அமைச்சர் ராஜேந்திர பாலாஜி
  • BREAKING-NEWS சபரிமலை கோயிலுக்கு என கேரள அரசு தனிச்சட்டம் உருவாக்க வேண்டும் - உச்சநீதிமன்றம்
  • BREAKING-NEWS தமிழகத்தில் 3 நாட்களுக்கு கனமழை பெய்ய வாய்ப்பு - இந்திய வானிலை ஆய்வு மையம்

கும்பமேளாவுக்காக உலகின் மிகப்பெரிய தற்காலிக நகரம்

prayagraj-gets-world-s-largest-temporary-city-for-grand-kumbhmela

உலகின் மிகப்பெரிய தற்காலிக நகரம் உத்தர பிரதேசத்தின் பிரயாக்ராஜ் நகரில் நடைபெறும் கும்பமேளாவுக்காக அமைக்கப்பட்டுள்ளது. 

அலகாபாத், நாசிக், உஜ்ஜையினி, ஹரித்துவார் ஆகிய இடங்களில் 12 ஆண்டுகளுக்கு ஒரு முறை பூரண கும்பமேளா நடைபெறுகிறது. அதுபோலவே ஹரித்துவார், அலகாபாத்தில் மட்டும் 6 ஆண்டுக்கு ஒருமுறை அரை கும்பமேளா விழாவும் நடைபெறுவது வழக்கம்.

Image result for allahabad triveni sangam

அலகாபாத்தில் 2013 ஆம் ஆண்டு பூரண கும்பமேளா நடைபெற்ற நிலையில், இந்த ஆண்டு அரை கும்பமேளா நடைபெறவுள்ளது. அதன்படி அலகாபாத்தில் ஜனவரி 15-ம் நாள் மகர சங்கராந்தி அன்று தொடங்கி மார்ச் மாதம் 4-ம் நாள் மகாசிவராத்திரி வரை 48 நாள்கள் வரை நடக்கும் இந்த அரை கும்பமேளா விழா நாட்களில் நீர்நிலைகளில் பக்தர்கள் நீராடுவார்கள். 

Related image
நாசிக், உஜ்ஜையினி, ஹரித்துவார் போன்ற இடங்களில் நடக்கும் கும்பமேளா விழாவைவிட அலகாபாத்தில் நடக்கும் விழா விசேஷமானது. அங்குதான் கங்கை, யமுனை, சரஸ்வதி என்ற மூன்று நதிகளும் கூடும் திரிவேணி சங்கமம் நடைபெறுகிறது. 

Image result for திரிவேணி சங்கமம்

இந்த ‌‌கும்பமேளாவுக்காக அனைத்து ஏற்பாடுகளுக்காக சுமார் 2 ஆயிரத்து 900 கோடி ரூபாய் செலவிடப்படுகின்றன.  கங்கை, யமுனை, சரஸ்வதி ஆகிய நிதிகள் ஒன்றாக சங்கமிக்கும் இடமான பிரயாக்ராஜில் கும்பமேளா நிகழ்ச்சி நடைபெறுகிறது. கும்பமேளா தொடங்க இன்னும் சில நாட்களே உள்ள நிலையில் அதற்கான ஏற்பாடுகளும் தீவிரமடைந்துள்ளன. இதற்காக அங்கு சகலவசதிகள் கொண்ட தற்காலிக நகரமே உருவாக்கப்பட்டுள்ளது. அதிநவீன சொகுசு வசதிகள் கொண்ட நான்காயிரத்துக்கும் மேற்பட்ட குடில்கள் அமைக்கப்பட்டுள்ளன. இந்திரபிரஸ்தம் என்று பெயரிடப்பட்ட குடில் வளாகத்தில் கும்பமேளா தினத்தன்று சாதுக்கள் பூஜை செய்வதற்காக யாக குண்டங்கள் கட்டப்பட்டுள்ளன. உள்ளூர் மற்றும் வெளிநாட்டு பக்தர்கள் இந்திரபிரஸ்தம் குறித்த தகவல்கள் தெரிந்துகொள்ள தகவல் மையம் திறக்கப்பட்டுள்ளது.

மேலும் தாற்காலிக நகரத்துக்குச் செல்ல பிரயாக்ராஜ் எல்லையிலிருந்து 250 கிலோ மீட்டர் தூரத்துக்கு சாலைகளும் 22 தாற்காலிக பாலங்களும் அமைக்கப்பட்டுள்ளன. பக்தர்களின் பாதுகாப்புக்காக கமாண்டோ கட்டுப்பாட்டு மையம், மூன்று பெண்கள் காவல்நிலையம், 40 காவல் மையங்கள், 15 தீயணைப்பு நிலையங்கள் மற்றும் 40 கண்காணிப்பு கோபுரங்களுக்கு ஏற்பாடு செய்யப்பட்டுள்ளன.

Related image

கும்பமேளா திருவிழாவில் கலந்துகொள்வதற்காக மாநிலம் முழுவதிலும் இருந்து ஆயிரக்கணக்கான சாதுக்கள், அகோரிகள் தினமும் பாரம்பரிய முறையில் யானை, ஒட்டகம், குதிரை உள்ளிட்டவை மீது சவாரி செய்தவாரே பிர‌யாக்ராஜ் நோக்கி செல்கின்றனர். 10 லட்சம் வெளிநாட்டினர் உள்பட 12 கோடி பக்தர்கள் கும்பமேளாவில் பங்கேற்கின்றனர்.

குறிப்பு : உத்தர பிரதேச மாநில தலைநகர் அலகாபாத் பெயரை பிரயாக்ராஜ் என்று பெயர் மாற்றம் செய்யப்பட்டுள்ளது.

Advertisement:
Advertisement:
Advertisement:
[X] Close