[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

ஒரு ஆண்டில் 100 பாதுகாப்புப்படை வீரர்கள் தற்கொலை - மத்திய அமைச்சர்

104-military-personnel-committed-suicide-in-2018

15 லட்சத்துக்கும் அதிகமான பாதுகாப்புப்படை வீரர்களை கொண்டுள்ள இந்தியாவில் வருடத்துக்கு 100க்கும் மேற்பட்ட வீரர்கள் தற்கொலை செய்துகொள்வதாக தகவல்கள் தெரிவிக்கப்பட்டுள்ளது. 

பாதுகாப்புத்துறை வீரர்களின் தற்கொலைகள் குறித்து மத்திய இணை அமைச்சர் சுபாஷ் ஹம்ரே மாநிலங்களவையில் எழுத்துப்பூர்வமாக விளக்கம் அளித்தார். அதில் 2018ம் ஆண்டில் 104 பாதுகாப்புப்படை வீரர்கள் தற்கொலை செய்து கொண்டுள்ளதாக தெரிவித்துள்ளார். அதில் 80 பேர் ராணுவ வீரர்கள், 16 விமானப்படை, 8 கடற்படை வீரர்கள் அடங்குவர். 2017ல் 101 பேரும், 2016ல் 129 பேரும் தற்கொலை செய்துகொண்டுள்ளதாக தெரிவித்துள்ளார்.

குடும்பத்தினரை விட்டு தனியே இருக்கும் வீரர்கள் மனதளவில் தனிமையை உணர்கின்றனர். மேலும் குடும்ப பிரச்னைகளை அவர்கள் மனதளவில் துவண்டு விடுவதும், அதற்கு சரியான ஆறுதல் கிடைக்காமல் இருப்பதுமே தற்கொலைக்கு காரணமாக இருக்கிறது. அதுமட்டுமல்லாமல் குறைந்த சம்பளம், விடுமுறை இல்லாமல் பணியாற்றுவது, சரியான வசதிகள் இல்லாமல் தினந்தோறும் வாழ்க்கையை சமாளிப்பது, ஆறுதலற்ற, கவனிப்பில்லாத, மன உளைச்சலை ஏற்படுத்தக்கூடிய தலைமையின் கீழ் பணியாற்றுவது உள்ளிட்ட சில காரணங்களும் தற்கொலைக்கு காரணமாக கூறப்படுகிறது.

வீரர்களுக்கு தியானம், யோகா போன்ற பயிற்சிகள் மூலம் அவர்களை மனதளவில் லேசாக உணர வைத்தல், ஆரோக்கியமான மற்றும் வீரர்களின் மனதுக்கு ஏற்ற சூழலை உருவாக்குதல், குடும்பத்துடன் தொடர்பை எளிதாக்குதல், உயர் அதிகாரிகளுடன் நேர்மறையான போக்கை உருவாக்குதல் போன்ற நடவடிக்கைகளால் வீரர்களின் மன உளைச்சலை குறைக்கலாம் என்றும் இதனால் மனதளவிலும் உடலளவிலும் வீரர்களுக்கு பணியாற்றும் சூழல் இணக்கமாகும் என்றும் கூறப்படுகிறது.
 

Advertisement:
Advertisement:
Advertisement:
[X] Close