[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

பட்டியல் இன மக்களுக்கான விருந்தில் பாஜக கின்னஸ் சாதனை முயற்சி

bjps-world-record-attempt-at-amit-shah-rally-involves-rice-dal

டெல்லியில் அமித் ஷா பங்கேற்கும் பேரணியில் 5 ஆயிரம் கிலோ கிச்சடி தயாரிக்கப்படுகிறது. இதன்மூலம் கின்னஸ் சாதனைக்கும் பாஜக முயற்சிக்கிறது.

பாஜக அரசு பட்டியல் இன மக்களை கண்டுகொள்வதில்லை எனப் பொதுவான குற்றச்சாட்டு நிலவுகிறது. இந்நிலையில் அடுத்து வரும் நாடாளுமன்றத் தேர்தலில் பட்டியல் இன மக்களின் வாக்குகளை பெற பாஜக முயற்சி மேற்கொண்டுள்ளது. அதன்படி டெல்லி ராம் லீலா மைதானத்தில் ‘பீம் மகாசங்கம் விஜய் சங்கல்ப்’என்கிற பேரணி நடைபெறுகிறது. பாஜக தேசியத் தலைவர் அமித் ஷா இப்பேரணிக்கு தலைமையேற்கிறார்.

இந்நிலையில் இப்பேரணியில் 5 ஆயிரம் கிலோ கிச்சடி தயாரிக்கப்படுகிறது. லட்சக்கணக்கான பட்டியல் இன மக்களின் வீடுகளில் இருந்து பெறப்பட்ட அரிசி உள்ளிட்ட பொருட்களைக் கொண்டு இந்தக் கிச்சடி தயாரிக்கப்படுகிறது. இதற்கான பணிகளில் பாஜகவின் பட்டியல் இன அணியான பாஜக எஸ்சி மோர்சா ஈடுபட்டிருக்கிறது. பட்டியல் இன மக்களின் வாக்குகளை குறிவைப்பது ஒருபுறம் இருந்தாலும் இதன்மூலம் கின்னஸ் சாதனை படைக்கவும் பாஜக முயற்சி செய்கிறது. தயாரிக்கப்படும் கிச்சடி பாஜக உறுப்பினர்கள், பாஜக ஆதரவாளர்கள் எனப் பேரணியில் பங்கேற்பவர்களுக்கு வழங்கப்பட உள்ளது.

தற்போது வரை 918.8 கிலோ அளவில் தயாரிக்கப்பட்ட கிச்சடியே உலகளவில் மிகப்பெரிய கிச்சடியாக பார்க்கப்படுகிறது. பிரபல சமையல் கலைஞர் சஞ்சீவ் கபூர் இதனை கடந்த 2017-ஆம் ஆண்டு நவம்பர் மாதம் தயாரித்திருந்தார். இந்நிலையில் இந்தச் சாதனையை முறியடித்து கின்னஸ் சாதனை படைக்கவும் பாஜக முயற்சித்துள்ளது. பாஜக செய்துள்ள பணிகள் குறித்து அமித் ஷா இப்பேரணியில் எடுத்துரைக்க உள்ளார்.

பட்டியல் இன மக்களை மோடி அரசு கண்டுகொள்வதில்லை. அவர்களின் முன்னேற்றத்திற்கு எதுவும் செய்யவில்லை என தொடர்ச்சியாக பாஜக மீது குற்றம்சாட்டப்பட்டு வரும் நிலையில் பாஜக இந்த முயற்சியை மேற்கொண்டுள்ளது.

Advertisement:
Advertisement:
Advertisement:
[X] Close