[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

பீகாரில் பாஜக - லோக் ஜன்சக்தி இடையே தொகுதி பங்கீட்டில் சுமூக முடிவு

bjp-seat-seating-process-finalised-in-bihar-with-lok-janshakti

அடுத்த ஆண்டு நடைபெற உள்ள நாடாளுமன்றத் தேர்தலுக்காக பீகாரில் லோக் ஜன்சக்தி மற்றும் பாஜக இடையே தொகுதி பங்கீடு குறித்த உடன்பாடு சுமூகமாக முடிந்துள்ளதாக தகவல்கள் வெளியாகி உள்ளது.

அடுத்த ஆண்டு நாடாளுமன்றத் தேர்தல் நடைபெற உள்ளது. தேர்தலில் பாஜகவை வீழ்த்த இப்போதே எதிர்க்கட்சிகள் ஆயத்தமாகி வருகின்றன. கூட்டணி பேச்சுகளும் அடிபடுகின்றன. நடந்து முடிந்த 5 மாநிலத் தேர்தலிலும் பாஜக பெரும் பின்னடைவை சந்தித்து. இதனால் நாடாளுமன்றத் தேர்தலை குறிவைத்து அக்கட்சி தீவிரமாக செயல்பட்டு வருகிறது. இந்நிலையில் பாஜக மற்றும் லோக் ஜன்சக்தி இடையே நாடாளுமன்றத் தேர்தலுக்கான தொகுதி உடன்பாடு சுமூகமாக முடிந்துள்ளதாக தகவல்கள் வெளியாகி உள்ளது.

தொகுதி உடன்பாடு குறித்த பேச்சுவார்த்தையில் முதலில் இழுபறி நீடித்து வந்ததாக கூறப்பட்டது. இதனையடுத்து மத்திய அமைச்சரும், லோக் ஜன்சக்தி தலைவருமான ராம் விலாஸ் பாஸ்வான் மற்றும் அவரது மகன் சிராக் பாஸ்வாக் ஆகியோர் பாஜக மூத்த தலைவரான அருண் ஜேட்லியை சந்தித்து பேசினர். இதன்பின் தொகுதி பங்கீடு குறித்த பேச்சுவார்த்தையில் முடிவு எட்டப்பட்டுள்ளதாக கூறப்படுகிறது. அதன்படி பீகாரில் மொத்தம் உள்ள 40 மக்களவை தொகுதிகளில் 5 தொகுதியில் லோக் ஜன்சக்தி போட்டியிட உள்ளதாக கூறப்படுகிறது. அதேசமயம் ராம் விலாஸ் பாஸ்வானுக்கு ராஜ்ய சபா சீட் கொடுக்கப்பட உள்ளதாகவும் தகவல்கள் கூறுகின்றன. இதுகுறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.

அதேசமயம் உத்தரப்பிரதேசத்திலும் ஒரு சீட்டை பெற லோக் ஜன்சக்தி முனைப்புடன் உள்ளதாக தெரிகிறது. அப்படி உத்தரப்பிரதேசத்தில் ஒரு சீட் கொடுக்க வேண்டும் என்றால் பீகாரில் ஒரு சீட்டை குறைக்கவும் பாஜக திட்டமிட்டுள்ளதாக கூறப்படுகிறது.

முன்னதாக அரசியல் முக்கியத்துவம் வாய்ந்த பீகாரில் நிதிஷ் குமாரின் ஐக்கிய ஜனதா தளம் மற்றும் பாஜக சம அளவிலான தொகுதிகளில் போட்டியிடும் என பாஜக தேசியத் தலைவர் அமித் ஷா தெரிவித்திருந்தார். தற்போது பாஜகவில் அங்கம் வகிக்கும் லோக் ஜன்சக்திக்கு 5 இடங்கள் ஒதுக்கப்பட்டுள்ளதாக கூறப்படுகிறது. கடந்த ஆண்டு நடைபெற்ற மக்களவை தேர்தலில் பீகாரில் தேசிய ஜனநாயக கூட்டணி 31 இடங்களில் வெற்றி பெற்றிருந்தது குறிப்பிடத்தக்கது. பட்டியில் இன மக்கள் செல்வாக்கு லோக் ஜன்சக்தி கட்சிக்கு இருப்பதால் அதன் உடன் சுமூக உடன்பாட்டை பாஜக மேற்கொண்டுள்ளதாகவும் கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close