[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

சிபிஐ விசாரணை கோரிய நடிகர் திலீப் மனு தள்ளுபடி

kerala-hc-dismisses-dileep-s-plea-for-cbi-probe-in-actor-assault-case

நடிகை கடத்தப்பட்ட வழக்கில் சிபிஐ விசாரணைக் கோரி நடிகர் திலீப் தொடர்ந்த மனுவை தள்ளுபடி செய்து கேரள உயர் நீதிமன்றம் உத்தரவிட்டுள்ளது.

கேரளாவில், கடந்த ஆண்டு பிப்ரவரி மாதம் பிரபல நடிகையை கடத்தி பாலியல் வன்கொடுமை செய்த வழக்கில் மலையாள முன்னணி நடிகர் திலீப் கைது செய்யப்பட்டார். இதனால் கேரள நடிகர் சங்கமான 'அம்மா'வில் இருந்தும் அவர் தற்காலிகமாக நீக்கப்பட்டார். 85 நாள்கள் சிறைவாசத்துக்குப் பின் ஜாமினில் வெளியே வந்தார் திலீப். இந்நிலையில் தன்னை கடத்தல் விவகாரத்தில் வேண்டுமென்றே சிக்கவைத்துள்ளனர் என்றும், இந்த விவகாரத்தால் தன்னுடைய வாழ்க்கையின் கண்ணியம் கெட்டுவிட்டதாகவும், இது குறித்து உரிய விசாரணை வேண்டுமென்றும் நடிகர் திலீப் வழக்கு ஒன்றை தொடர்ந்தார். இதற்கு பதிலளித்த அரசு வழக்கறிஞர், தேவையற்ற மனுக்களை தொடர்ந்து நடிகர் திலீப் வழக்கை மழுங்கடிக்கச் செய்வதாக குற்றம் சாட்டினார். 

 நடிகை கடத்தப்பட்ட வழக்கில் சிபிஐ விசாரணைக் கோரி  ஜூன் 13ம் தேதி நடிகர் திலீப் கேரள உயர் நீதிமன்றத்தில் மேலும் ஒரு மனுவை தாக்கல் செய்தார். அதில் கேரள போலீசாரின் விசாரணை ஒருசார்பாக இருப்பதாகவும், உண்மை வெளிவர வேண்டுமானால் சிபிஐ விசாரணை வேண்டும் என்றும் தெரிவித்து இருந்தார். இதற்கு பதிலளித்த அரசு வழக்கறிஞர் விசாரணை முடிவடைந்துள்ள நிலையில், சிபிஐ விசாரணை கோருவது தேவையில்லாத ஒன்று எனத் தெரிவித்தார்.

இந்த வழக்கு கேரள உயர் நீதிமன்றத்தில் இன்று விசாரணைக்கு வந்தது. விசாரணையின் போது வாதாடிய திலீப் தரப்பு, நடிகையின் கடத்தலின் போது பதிவுசெய்யப்பட்டதாக கூறப்படும் வீடியோவையும், வீடியோ எடுக்க பயன்படுத்தப்பட்ட போனையும் கைப்பற்ற கேரள போலீசார் தவறிவிட்டனர் என்று தெரிவித்தனர். 

இரு தரப்பையும் விசாரித்த கேரள உயர் நீதிமன்றம் விசாரணையை தாமதப்படுத்த தேவையற்ற மனுக்களை தொடர்வதாக கூறி நடிகர் திலீப் தொடர்ந்த மனுவை தள்ளுபடி செய்தது. நடிகையின் கடத்தலின் போது பதிவுசெய்யப்பட்டதாக கூறப்படும் வீடியோவையும் வீடியோ எடுக்க பயன்படுத்தப்பட்ட போனையும் தங்கள் தரப்பிடம் ஒப்படைக்க வேண்டுமென நடிகர் திலீப் தரப்பு உச்ச நீதிமன்றத்தை நாடியுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close