[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

நாளை குடியரசுத் தலைவரை சந்திக்கும் எதிர்க்கட்சிகள் ?

national-opposite-parties-will-meet-president-ramnath-kovind-on-tomorrow

டெல்லியில் கூடிய எதிர்க்கட்சித் தலைவர்கள் நாளை குடியரசு தலைவரை சந்திக்க முடிவு செய்துள்ளதாக கூறப்படுகிறது. 

அடுத்த ஆண்டு நடைபெறவுள்ள நாடாளுமன்றத் தேர்தலில், ஆளும் பாரதிய ஜனதாவை வீழ்த்த வியூகம் அமைப்பது தொடர்பாக, டெல்லியில் எதிர்க்கட்சிகளின் கூட்டம் இன்று நடைபெற்றது. இந்தக் கூட்டத்தில் காங்கிரஸ், இடதுசாரிகள், திமுக, திரிணாமுல் காங்கிரஸ், தேசியவாத காங்கிரஸ், தெலுங்கு தேசம், ஆம் ஆத்மி, ராஷ்ட்ரிய ஜனதா தளம் உள்ளிட்ட கட்சிகள் பங்கேற்றன. 

ஐந்து மாநில தேர்தல் முடிவுகள் நாளை வெளியாக உள்ளன. அதே வேளையில் நாடாளுமன்ற குளிர்கால கூட்டத்தொடரும் தொடங்குகிறது. இந்தச் சூழலில் இன்று நடைபெறும் எதிர்க்கட்சிகள் கூட்டம் தேசிய அரசியலில் முக்கியத்துவம் வாய்ந்ததாக கருதப்படுகிறது. 

ஐக்கிய முற்போக்கு கூட்டணியின் தலைவர் சோனியா காந்தி, காங்கிரஸ் தலைவர் ராகுல் காந்தி, திமுக தலைவர் மு.க.ஸ்டாலின், திரிணாமுல் காங்கிரஸ் தலைவர் மம்தா பானர்ஜி, தெலுங்கு தேசத் தலைவர் சந்திரபாபு நாயுடு, தேசியவாத காங்கிரஸ் தலைவர் சரத் பவார் ஆகியோர் கூட்டத்தில் கலந்து கொண்டனர். இடதுசாரி தலைவர்கள் யெச்சூரி, சுதாகர் ரெட்டி, ஆம் ஆத்மி கட்சித் தலைவர் அரவிந்த் கெஜ்ரிவால், சரத் யாதவ், லாலுவின் மகன் தேஜஸ்வி பிரசாத் ஆகியோரும் டெல்லி கூட்டத்தில் பங்கேற்றனர். 

கூட்டத்திற்குப் பின்னர் பேசிய ராகுல் காந்தி, பாஜகவின் அழுத்தம் காரணமாகவே ரிசர்வ் வங்கியின் ஆளுநர் ராஜினாமா செய்துள்ளதாக குற்றஞ்சாட்டினார். அரசியலமைப்பில் சி.பி.ஐ., ஆர்.பி.ஐ., தேர்தல் ஆணையம் உள்ளிட்டவற்றை பாஜகவிடம் இருந்து காப்பாற்றவே தாங்கள் ஒன்றிணைந்துள்ளதாக கூறினார். 

பாஜகவின் ரஃபேல் ஊழல், பணமதிப்பிழப்பு நடவடிக்கை உள்ளிட்டவற்றுக்கு எதிராக தொடர்ந்து போராட உள்ளதாகவும், மத்திய பாஜக அரசின் போக்கை தடுத்த‌ நிறுத்த செயல்பட உ‌ள்ளதாகவும் கூறினார். எதிர்க்கட்சி தலைவர்கள் அனைவரும் இதற்காக நாடாளுமன்றத்துக்கு உள்ளேயும், வெளியேயும் ஒன்றிணைந்து செயல்பட முடிவெடுத்து உள்ளதாகவும் அவர் தெரிவித்தார். இதைத்தொடர்ந்து நாளை எதிர்க்கட்சி தலைவர்கள் அனைவரும் குடியரசுத் தலைவர் ராம்நாத் கோவிந்தை சந்திக்கவுள்ளதாக கூறப்படுகிறது. உர்ஜித் படேல் ராஜினாமா தொடர்பாக இந்தச் சந்திப்பின் போது முறையிட வாய்ப்புள்ளதாகவும் தெரிகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close