[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

சாலையில் கிடந்த மின்னணு வாக்குப்பதிவு இயந்திரம்.. அதிகாரிகள் சஸ்பெண்ட்..!

ballot-unit-was-found-lying-on-road-in-rajasthan

ராஜஸ்தானில் மின்னணு வாக்குப்பதிவு இயந்திரம் சாலையில் கிடந்த சம்பவம் அதிர்ச்சியை ஏற்படுத்தியுள்ளது. இதுதொடர்பாக இரண்டு அதிகாரிகள் பணியிடை நீக்கம் செய்யப்பட்டுள்ளனர்.

ராஜஸ்தானில் சட்டப்பேரவைத் தேர்தல் நேற்று நடைபெற்று முடிந்தது. தேர்தலில் பதிவான வாக்குகள் டிசம்பர் 11-ஆம் தேதி எண்ணப்பட்டு அன்றைய தினமே முடிவுகள் அறிவிக்கப்பட உள்ளன. தேர்தலில் காங்கிரஸ் கட்சி வெற்றிப் பெற்று ஆட்சியமைக்க வாய்ப்பு இருப்பதாக தேர்தலுக்கு பிந்தைய கருத்துக் கணிப்புகள் கூறுகின்றன. இந்நிலையில் ராஜஸ்தானில் மின்னணு வாக்குப்பதிவு இயந்திரம் ஒன்று சாலையில் கிடந்த சம்பவம் வாக்களித்த வாக்காளர்கள் மத்தியில் அதிர்ச்சியை ஏற்படுத்தியுள்ளது.

தற்போதைய காலங்களில் வாக்களிக்க மின்னணு வாக்குப்பதிவு இயந்திரங்களே பயன்படுத்தப்படுகின்றன. மின்னணு வாக்குப்பதிவு இயந்திரங்களில் கன்ட்ரோல் யூனிட், பேலட் யூனிட் என இரண்டு பகுதிகள் இருக்கும். பேலட் யூனிட்டில் தான் வாக்காளர்கள் தங்களது வாக்கினை பதிவு செய்வார்கள். வாக்குப்பதிவிற்கு பின் பேலட் யூனிட் ஒன்று, ராஜஸ்தான் மாநிலத்தின் பாரான் மாவட்டத்தில் உள்ள ஷகாபாத் பகுதியில் உள்ள சாலையில் கிடந்துள்ளது. இந்த சம்பவம் தொடர்பாக அலட்சியத்துடன் செயல்பட்ட இரண்டு அதிகாரிகள் பணியிடை நீக்கம் செய்யப்பட்டுள்ளனர்.

ஏற்கெனவே மத்தியப் பிரதேசம் மாநிலம் சாகரில் வாக்குப்பதிவு முடிந்த பின்பும் இயந்திரங்களை சரியான நேரத்தில் ஒப்படைக்காமல் இரண்டு நாட்கள் தாமதப்படுத்திய அதிகாரிகள் மீது தேர்தல் ஆணையம் நடவடிக்கை எடுத்திருந்தது. தற்போது ராஜஸ்தானில் பாதுகாப்பாக வைக்கப்பட வேண்டிய மின்னணு வாக்குப்பதிவு இயந்திரம் சாலையில் கிடந்தது மக்களை மட்டுமில்லாமல் தேர்தல் ஆணையத்திற்கும் அதிர்ச்சியை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close