[X] Close
JUST IN
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்

காவிரியில் அணை கட்டுவது எங்கள் உரிமை - கர்நாடகா அரசு

mekedatu-dam-is-the-right-of-karnataka-says-karnataka-minister

காவிரியின் ஆற்றின் குறுக்கே மேகதாது அணை கட்டுவது தங்கள் மாநில உரிமை என்று கர்நாடகா தெரிவித்துள்ளது.

குடிநீர் தேவை மற்றும் மின்சார உற்பத்திக்காக காவிரியின் குறுக்கே மேகதாதுவில் அணைக் கட்ட கர்நாடக அரசு தீவிரம் காட்டி வருகிறது. ஆனால் மேகதாதுவில் அணைக் கட்டினால் தமிழகத்திற்கு வரும் தண்ணீரின் அளவு குறையும் என்பதால் தமிழக அரசு எதிர்ப்பு தெரிவித்து வருகிறது. இதனிடையே உச்சநீதிமன்ற தீர்ப்பையும் மீறி மேகதாதுவில் அணைக் கட்ட சாத்தியக்கூறு உள்ளிட்ட பல தகவல்களுடன் கூடிய வரைவு அறிக்கையை மத்திய நீர்வள ஆணையத்திற்கு கர்நாடக அரசு அனுப்பியது.

இந்த அறிக்கைக்கு மத்திய நீர்வள ஆணையம் அனுமதி அளித்துள்ளது. இதனால் தமிழக விவசாயிகள் மற்றும் தமிழக மக்களிடையே அச்சம் ஏற்பட்டது. மேகதாது அணைக் கட்ட கர்நாடக மாநிலத்திற்கு அனுமதி தரக்கூடாது எனவும் திட்ட அறிக்கை தயாரிக்க கர்நாடகத்துக்கு அளித்த அனுமதியை திரும்பப்பெற வேண்டும் எனவும் பிரதமர் மோடிக்கு முதலமைச்சர் பழனிசாமி கடிதம் எழுதினார். 

இந்நிலையில் மேகதாது அணை விவகாரத்தில் தமிழகத்தில் பெரும் எதிர்ப்பு கிளம்பியுள்ள நிலையில், கர்நாடக முதலமைச்சர் குமாரசாமி பெங்களூருவில் முக்கிய ஆலோசனை நடத்தினார். அந்த கூட்டத்தில் மாநில நீர்வளத் துறை அமைச்சர் சிவக்குமார், காங்கிரசின் முன்னாள் முதலமைச்சர் சித்தராமையா, பாரதிய ஜனதாவின் முன்னாள் முதல்வர் ஜெகதீஷ் ஷெட்டர் மற்றும் உயரதிகாரிகள் பங்கேற்றனர். 

கூட்டத்துக்குப் பிறகு செய்தியாளர்களிடம் பேசிய அமைச்சர் சிவக்குமார், மேகதாதுவில் அணை கட்டுவது கர்நாடகாவின் உரிமை என்றும் அதற்காக யாருடனும் மோதல் போக்கை கடைப்பிடிக்க விரும்பவில்லை. மேகதாது அணை தங்கள் வாழ்நாள் கனவு . தமிழக மக்கள் எங்கள் சகோதரர்கள், நண்பர்கள், அவர்களுடன் காவிரி நீரை பகிர்ந்து கொள்ளும் நிலையில், சண்டையிட விரும்பவில்லை. இதையடுத்து, இன்று மேகதாது அணைக்கான பகுதியில் ஆய்வுப் பணியைத் தொடங்க உள்ளோம் என்று தெரிவித்தார்.

காவிரியில் மேகதாது அணையை 5 ஆயிரத்து 912 கோடி ரூபாய் மதிப்பில் கட்ட சித்தராமையா தலைமையிலான முந்தைய காங்கிரஸ் அரசு முடிவு செய்து ஆய்வு நடத்த உத்தரவிட்டது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close