[X] Close
JUST IN
  • BREAKING-NEWS டெல்லியில் ஐக்கிய முற்போக்கு கூட்டணி தலைவர் சோனியா காந்தியை பகுஜன் சமாஜ் கட்சியின் மாயாவதி நாளை சந்திக்கவுள்ளதாக தகவல்
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் ஆந்திர முதல்வர் சந்திரபாபு நாயுடு மீண்டும் ஆலோசனை
  • BREAKING-NEWS கேதார்நாத்தில் வழிபட்டதை நான் அதிர்ஷ்டமாக நினைக்கிறேன்; எனக்கும் கேதார்நாத்துக்கும் ஒரு உணர்வுப்பூர்வமான உறவு உள்ளது - பிரதமர் மோடி
  • BREAKING-NEWS சூலூர்: கருமத்தம்பட்டியில் வேறு வாக்குப்பதிவு இயந்திரம் கொண்டுவரப்பட்டு தாமதமாக வாக்குப்பதிவு தொடக்கம்; வாக்குப்பதிவு இயந்திரத்தில் ஏற்பட்ட கோளாறினால் வாக்குப்பதிவு தொடங்காமல் இருந்தது
  • BREAKING-NEWS 7ம் கட்ட மக்களவை தேர்தல் - பீகார் முதல்வர் நிதீஷ் குமார் பாட்னாவில் வாக்களித்தார்
  • BREAKING-NEWS இறுதிக்கட்ட மக்களவை தேர்தலில் உத்தரப்பிரதேச முதல்வர் யோகி ஆதித்யநாத் கோரக்பூரில் வாக்களித்தார்
  • BREAKING-NEWS மக்களவை தேர்தலுக்கான இறுதிக்கட்ட வாக்குப்பதிவு தொடங்கியது. இந்த 7 ஆம் கட்ட வாக்குப்பதிவு 8 மாநிலங்களில் உள்ள 59 தொகுதிகளில் நடைபெறுகிறது

“புலந்த்ஷர் வன்முறைக்குப் பின்னால் காங்கிரஸ் இருக்கலாம்” - சுப்பிரமணியன் சுவாமி  

subramanian-swamy-suspects-congress-on-bulandshahr-case

புலந்த்ஷர் மாவட்ட வன்முறைக்கு காங்கிரஸ் கட்சி காரணமாக இருக்கலாம் என்று பாஜக மூத்தத்தலைவர் சுப்பிரமணியன் சுவாமி தெரிவித்துள்ளார்

உத்தரப்பிரதேச மாநிலம் புலந்த்ஷர் மாவட்டத்தில் உள்ள கிராமம் ஒன்றின் வனப்பகுதியில் 25 பசுக்கள் இறந்த நிலையில் கிடந்ததாக தெரிகிறது. இதனையடுத்து, சட்டவிரோதமாக பசு வதைக் கூடம் செயல்படுவதாக் கூறி கிராமத்திற்குள் ஒன்று திரண்ட வலதுசாரி அமைப்புகள் போராட்டத்தில் ஈடுபட்டனர். 

இந்தப் போராட்டம் குறித்து கொடுக்கப்பட்ட தகவலின் அடிப்படையில் போராட்டக்களத்திற்கு போலீசார் விரைந்தனர். அப்போது போராட்டத்தில் ஈடுபட்டவர்களுக்கும், போலீஸ்காரர்களுக்கும் இடையே மோதல் ஏற்பட்டது. 

திடீரென அப்பகுதியில் உள்ள சிலர், போலீசார் மீது கற்களை வீசி தாக்குதல் நடத்தினர். அதோடு, காவல் நிலையத்திற்கும் சென்று அவர்கள் தாக்குதல் நடத்தினர். போலீஸ் நிலையத்திற்கு போராட்டக்காரர்கள் தீ வைத்ததை அடுத்து, வன்முறையை கட்டுப்படுத்த தடியடி நடத்தினர். துப்பாக்கிச் சூடும் நடத்தப்பட்டது.

இந்த வன்முறையில் சுபோத் குமார் சிங் என்ற போலீஸ் அதிகாரி ஒருவர் கொல்லப்பட்டார். முதலில் அவர் பேராட்டக்காரர்களின் கல்லெறித் தாக்குதலுக்கு உயிரிழந்ததாக கூறப்பட்டது. ஆனால் அவர் மீது போராட்டக்காரர்கள் துப்பாக்கிச் சூடு நடத்தியது தெரியவந்தது. இந்நிலையில் போராட்டம் மிகப்பெரிய வன்முறையாக மாறியது.  

இதுதொடர்பாக உரிய நடவடிக்கை எடுக்க உத்தரவிட்ட முதலமைச்சர் யோகி ஆதித்யநாத், பாதிக்கப்பட்டவர்களுக்கு போதிய உதவிகளைச் செய்ய உத்தரட்டார். அத்துடன் உயிரிழந்தவர்களின் குடும்பத்திற்கு நிவாரணத்தொகையும் அறிவித்தார்.

இந்நிலையில் புலந்த்ஷர் மாவட்ட வன்முறைக்கு காங்கிரஸ் கட்சி காரணமாக இருக்கலாம் என்று பாஜக மூத்தத்தலைவர் சுப்பிரமணியன் சுவாமி தெரிவித்துள்ளார். இது குறித்து பேசிய அவர், புலந்த்ஷர் மாவட்ட வன்முறை உத்திரப்பிரதேசத்தின் பாஜக ஆட்சிக்கும், யோகியின் ஆட்சிக்கும் களங்கம் ஏற்படுத்த வேண்டும் என்ற நோக்கத்தில் சில தீய சக்திகள் ஏற்படுத்தியவை. காங்கிரஸ் கட்சியை சேர்ந்தவர்கள் இந்த வன்முறைக்கு பின்னால் இருக்கலாம். அவர்களை நாங்கள் வெளிக்கொணர்வோம் என்று தெரிவித்துள்ளார்.

உத்திரப்பிரதேசம் பற்றி எரிகையில் யோகி பிரச்சாரத்தில் ஈடுபட்டுக்கொண்டு இருப்பதாக காங்கிரஸ் குற்றம் சாட்டியது. அதற்கு பதில் அளித்த சுப்பிரமணியன் சுவாமி, 1984ம் ஆண்டு வன்முறை காங்கிரசுக்கு ஏற்படுத்திய கெட்டப் பெயரை விட எங்களுக்கு தற்போது கெட்டப்பெயர் ஏற்படவில்லை. சீக்கியர்களுக்கு எதிரான வன்முறையில் இந்தியாவே பற்றி எரிந்தது. ஆயிரத்துக்கும் மேற்பட்டவர்கள் விசாரணையின்றி சிறையில் அடைக்கப்பட்டார்கள் என்று தெரிவித்தார்


 

Advertisement:
இது தொடர்பான செய்திகள் :
Advertisement:
Advertisement:
[X] Close