[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

ஒருதலைக் காதலால் பெண்ணை கத்தியால் குத்திக் கொலை செய்த இளைஞர்!

girl-stabbed-by-a-person-in-one-sided-love

நெல்லை மாவட்டம் வள்ளியூரில் காதலிக்க மறுத்த பெண்ணை கத்தியால் குத்திக் கொலை செய்த காதலரை அடித்து உதைத்த பொது மக்கள் அவரை காவல்துறையினரிடம் ஒப்படைத்தனர்.

நெல்லை வள்ளியூரில் உள்ள துணிக்கடை ஒன்றில் வேலை பார்த்து வந்துள்ளார் கன்னியாகுமரி மாவட்டம் வேலிமலையைச் சேர்ந்த மெர்சி. கடை விடுதியிலேயே அவர் தங்கியிருந்தார். மெர்சி வேலை பார்த்த கடையில் பொறியியல் பட்டதாரியான ரவீந்திரன் பணிக்கு சேர்ந்திருக்கிறார். மெர்சியை ரவீந்திரன் காதலித்ததாக கூறப்படுகிறது. அவரது காதலை ஏற்க மெர்சி மறுத்துவிட்டதாக தெரிகிறது. இதனால் துணிக்கடையில் இருந்து ரவீந்திரன் விலகி விட்டதாக சொல்லப்படுகிற‌து.

சில மாதங்கள் கடந்த நிலையில் நேற்று வழக்கம்போல் பணியை முடித்து விட்டு விடுதிக்கு திரும்பிக் கொண்டிருந்தார் மெர்சி. அவர் வரும் வழியில் ரவீந்திரன் காத்திருந்ததாக தெரிகிறது. மெர்சியை கண்டதும் தான் மறைத்து வைத்திருந்த கத்தியால் அவரை சரமாரியாக குத்தியுள்ளார்.

பொது இடத்தில் ஒரு பெண்ணை குத்திவிட்டு எந்த பதற்றமுமின்றி நடந்து சென்றுள்ளார் ரவீந்திரன். இதைப் பார்த்து முதலில் அதிர்ச்சி அடைந்த பொதுமக்கள், பின்னர் சுதாரித்துக் கொண்டு ரவீந்திரனை பிடித்து அடித்து உதைத்து காவல்துறையினரிடம் ஒப்படைத்தனர். இதற்கிடையே படுகாயத்துடன் தனியார் மருத்துவமனைக்கு கொண்டு செல்லப்பட்ட மெர்சி சிகிச்சை பலனின்றி உயிரிழந்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close