[X] Close
JUST IN
  • BREAKING-NEWS ஊரக உள்ளாட்சித் தேர்தலில் போட்டியிடும் வேட்பாளர்கள் பட்டியலை வெளியிட்டது அதிமுக
  • BREAKING-NEWS ராஜீவ்காந்தி கொலை வழக்கில் சிறையில் உள்ள நளினி உயர்நீதிமன்றத்தில் ஆட்கொணர்வு மனு தாக்கல்
  • BREAKING-NEWS சென்னை ஐஐடியில் மாணவர்களின் தற்கொலைகள் குறித்த வழக்கை சிபிஐ விசாரணைக்கு மாற்றக்கோரிய மனுவை உயர்நீதிமன்றம் தள்ளுபடி செய்தது
  • BREAKING-NEWS ராகுல்காந்தி மீது நடவடிக்கை எடுக்கக்கோரி தேர்தல் ஆணையத்தில் பாஜக சார்பில் ஸ்மிருதி இரானி புகார் மனு
  • BREAKING-NEWS உள்ளாட்சித் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கியது மாநில தேர்தல் ஆணையம்
  • BREAKING-NEWS உள்ளாட்சித் தெர்தலில் மதிமுகவிற்கு பம்பரம் சின்னம் ஒதுக்கியது மாநில தேர்தல் ஆணையம்
  • BREAKING-NEWS தமிழகத்தை சேர்ந்த ஐஏஎஸ் அதிகாரி சோமநாதன் மத்திய நிதி அமைச்சக செயலாளராக நியமனம்

கணவருக்கு வாட்ஸ்ஆப் மூலம் சம்மன் ! மனைவிக்கு புனே நீதிமன்றம் அனுமதி

pune-court-allows-serving-of-summons-to-husband-on-whatsapp

கணவருக்கு வாட்ஸ்ஆப் மூலம் சம்மன் வழங்க புனே நீதிமன்றம் அனுமதி வழங்கியுள்ளது.

மகாராஷ்டிரா மாநிலத்தை சேர்ந்த பெண் ஒருவர் புனே குடும்ப நல நீதிமன்றத்தில் ஒரு மனு தாக்கல் செய்திருந்தார். அதில், திருமணத்திற்கான பரஸ்பர உரிமைகள் மீறப்பட்டிப்பதாக தனது கணவர் மீது புகார் தெரிவித்திருந்தார். இதற்காக முறைப்படி சம்மனை வழங்க அனைத்து வழிகளிலும் கணவரை தொடர்பு கொள்ள முயற்சித்தபோதும், வெளிநாட்டில் வேலை செய்து வரும் அவர் இதுவரை அதனை பெற்றுக்கொள்ளவில்லை என குறிப்பிட்டிருந்தார். மெசேஜ், தொலைபேசி அழைப்பு ஆகியவற்றிற்கும் உரிய பதில் இல்லை என கூறியிருந்தார்.

இதனையடுத்து கணவருக்கு வாட்ஸ்ஆப் மூலம் சம்மன் வழங்க அனுமதி கோரி நீதிமன்றத்தில் மனுதாக்கல் செய்யப்பட்டது. இதனை கேட்ட நீதிபதிகள் வாட்ஸ்ஆப் வழியாக சம்மன் வழங்க அனுமதி அளித்து உத்தரவிட்டனர். அனைத்து பராம்பரிய முறைப்படியும் சம்மன் வழங்க முயற்சி மேற்கொண்ட போதும் அதனை கணவர் ஏற்காத நிலையில் வாட்ஸ் ஆப் வழியாக கணவருக்கு சம்மன் வழங்க பெண்ணுக்கு  நீதிமன்றம் அனுமதி வழங்கியுள்ளது. இதுதொடர்பாக பேசிய பெண்ணின் வழக்கறிஞர், நீதியை விரைந்து நிலைநாட்டும் பொருட்டு, நவீன தொழில்நுட்பத்தை ஏற்க நீதிமன்றங்கள் தயாராக இருப்பதாக கூறினார்.

மகாராஷ்டிராவை சேர்ந்த பெண்ணுக்கும் லண்டனை சேர்ந்த ஆணுக்கும் கடந்த 2015-ஆம் ஆண்டு திருமணம் நடந்துள்ளது. திருமணத்திற்கு பின் அப்பெண் லண்டனில் வாழ்ந்தாலும் கூட, கணவர் மற்றும் கணவரின் குடும்பத்தினர் வரதட்சனை கேட்டு அப்பெண்ணை சித்ரவதை செய்ததாக தெரிகிறது. இதனையடுத்து கணவரின் நிர்பந்தத்தில் பேரில் அவர் கடந்த 2016-ஆம் ஆண்டு இந்தியாவிற்கு அனுப்பி வைக்கப்பட்டார். இதனையடுத்து பெற்றோருடன் வாழ்ந்து வரும் அப்பெண் பல முறை கணவரை சந்திக்க முயற்சித்திருக்கிறார். ஆனால் பலன் இல்லை. அத்துடன் இருவருக்கும் எந்த உறவும் இல்லையென்று கணவர் சொல்லிவிட்டதாக தெரிகிறது. இதனையடுத்து அப்பெண் நீதிகேட்டு நீதிமன்றத்தை நாடியுள்ள நிலையில் வாட்ஸ்ஆப் மூலம் சம்மன் அனுப்ப புனே நீதிமன்றம் அனுமதி வழங்கியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close