[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

வீட்டில் சோதனை நடத்துவதா? காங். வேட்பாளர் தற்கொலை முயற்சி!

telangana-elections-2018-congress-candidate-attempts-suicide

வீட்டை சோதனையிட போலீசார் வந்ததால், தெலங்கானா மாநில காங்கிரஸ் வேட்பாளர் தற்கொலைக்கு முயன்ற சம்பவம் பரபரப்பை ஏற்படுத்தியுள்ளது. 

தெலங்கானா மாநிலத்தில் டிசம்பர் 7 ஆம் தேதி சட்டப்பேரவைத் தேர்தல் நடக்கிறது. இதில் தெலங்கானா ராஷ்ட்ர சமிதி தலைவரும் முதலமைச்சருமான சந்திரசேகர் ராவ், கஜ்வெல் தொகுதியில் போட்டியிடுகிறார். அவரை எதிர்த்து காங்கிரஸ் சார்பில் வெண்டேரு பிரதாப் ரெட்டி என்பவர் போட்டியிடுகிறார். 

பிரசாரம் தீவிரமடைந்துள்ள நிலையில், பிரதாப் ரெட்டி, வாக்காளர்களுக்கு பணம் விநியோகம் செய்வதாக புகார் எழுந்தது. இதையடுத்து போலீசார் ஐதராபாத்தில் புறநகர் பகுதியான கொம்பள்ளியில் உள்ள அவரது வீட்டுக்கு நேற்றிரவு சென்றனர். சோதனையில் ஈடுபட முயன்றனர். இதனால் ஆவேசமடைந்த பிரதாப் ரெட்டி, அவர்களை வீட்டுக்குள் விட வில்லை. மீறி உள்ளே சென்ற அவர்கள் முன்பு, பெட்ரோல் பாட்டிலை எடுத்து தீக்குளித்து தற்கொலை செய்துகொள்ள முயன்றார். இதனால் அதிர்ச்சி அடைந்த போலீசார், அவரை தீக்குளிப்பதில் இருந்து தடுத்தனர். பின்னர் அவர் கைது செய்யப்பட்டார்.

இதுபற்றி காங்கிரஸ் தரப்பில் கூறும்போது, ’சோதனைகள் என்ற பெயரில் போலீசார், காங்கிரஸ் வேட்பாளர்களையும் தொண்டர்களையும் மிரட்டும் முயற்சியில் ஈடுபட்டு வருகின்றனர். சந்திரசேகர் ராவ், எர்ரவல்லியில் உள்ள பண்ணை வீட்டில் வைத்து வாக்காளர்களுக்கு பண பட்டு வாடா செய்து வருகிறார். நாங்கள் இதுபற்றி எழுத்துப்பூர்வமான புகார் அளிக்கிறோம். அங்கு சென்று சோதனை நடத்த இவர்களுக்கு தைரியம் இருக்கிறதா?’ என்று கேள்வி எழுப்பினர்.

Advertisement:
Advertisement:
Advertisement:
[X] Close