[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது

சபரிமலையில் பக்தி பாடல்களை பாடிய 60 பேர் கைது..!

60-sabarimala-pilgrims-detained-for-violating-prohibitory-orders

சபரிமலையில் பாதுகாப்பிற்கான தடை உத்தரவை மீறி வவருநாடா பகுதியில் பக்தி பாடல்கள் பாடிய 60 பேரை போலீசார் கைது செய்தனர்.

சபரிமலையில் அனைத்து வயது பெண்களையும் அனுமதிக்கலாம் என உச்சநீதிமன்றம் அதிரடி தீர்ப்பை வழங்கியது. இதனையடுத்து கடந்த ஐப்பசி மாதம் நடை திறக்கப்பட்டபோது பெண்கள் சபரிமலை கோயிலுக்கு செல்ல முயன்றனர். ஆனால் ஐயப்ப பக்தர்கள் அவர்களை தடுத்து நிறுத்தினர். இதனால் ஒரு பதற்றமான சூழ்நிலை உண்டானது.

தற்போது சபரிமலையில் மண்டல பூஜைக்காக நடை திறக்கப்பட்டுள்ளது. எனவே அசம்பாவிதங்களை தவிர்க்கும் பொருட்டு போலீசார் பலத்த பாதுகாப்பு ஏற்பாடுகளை செய்துள்ளனர். நிலக்கல் உள்ளிட்ட பகுதிகளில் 144 தடை உத்தரவு பிறப்பிக்கப்பட்டுள்ளது. சன்னிதானத்திலும் போலீசார் பலத்த பாதுகாப்புகளை செய்துள்ளனர். அத்துடன் வவருநாடா பகுதியில் 4 பேருக்கு மேல் ஒன்றாக கூடக் கூடாது உள்ளிட்ட கட்டுப்பாடுகளை போலீசார் விதித்துள்ளனர். ஆனால் சபரிமலைக்கு சென்ற பக்தர்களில் சுமார் 60 பேர் வவருநாடா பகுதியில் நின்று கொண்டு பக்தி பாடல்களை பாடியுள்ளனர். எனவே அவர்களை போலீசார் கைது செய்தனர்.

வவருநாடா பகுதியில் பாதுகாப்பிற்காக போடப்பட்டிருந்த தடை உத்தரவையும் மீறி பக்தி பாடல்களை பாடியதால் அவர்கள் கைது செய்யப்பட்டுள்ளதாக தெரிகிறது.பி ன்னர் கைது செய்யப்பட்டவர்களை போலீசார் பம்மைக்கு அழைத்துச் சென்றனர். மண்டல பூஜைக்காக நடை நவம்பர் 17-ஆம் தேதி திறக்கப்பட்ட நிலையில் இதுவரை கிட்டத்தட்ட 100 பேரை போலீசார் கைது செய்துள்ளனர்.

முன்னதாக சபரிமலைக்கு சென்ற மத்திய இணையமைச்சர் பொன்.ராதாகிருஷ்ணன் நிலக்கல் பகுதியில் போலீசாரால் தடுத்து நிறுத்தப்பட்டார். அமைச்சரின் கார் மட்டுமே பம்பைக்கு செல்ல முடியும். அமைச்சருடன் வந்தவர்கள் அரசு பேருந்தில் செல்ல வேண்டும் என போலீசார் கட்டுப்பாடு விதித்ததால் வாக்குவாதம் ஏற்பட்டது. பின்னர் பொன்.ராதாகிருஷ்ணன் அரசு பேருந்திலேயே பம்பைக்கு சென்று ஐயப்பனை தரிசனம் செய்தார்.

வழக்கமாக இந்த கால கட்டத்தில் சபரிமலைக்கு செல்லும் பக்தர்களின் எண்ணிக்கை அதிகமாக காணப்படும். ஆனால் இந்த வருடம் போலீசார் ஏகப்பட்ட கட்டுப்பாடுகளை விதித்துள்ளதால் வழக்கத்தை விட பக்தர்கள் குறைவான அளவிலேயே வந்து செல்கின்றனர். பக்தர்களை விட பாதுகாப்பிற்காக போலீசாரே அங்கு அதிகம் காணப்படுவதாகவும் கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close