[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

தோளில் பாய்ந்த குண்டுடன் திருமணம் முடித்த மணமகன்

groom-shot-at-in-delhi-returns-to-complete-wedding-with-bullet-in-shoulder

டெல்லியில் மணமகனை அடையாளம் தெரியாத நபர்கள் துப்பாக்கியால் சுட்ட நிலையிலும், தோளில் பாய்ந்த குண்டுடன் அவர் திருமண சடங்குகளை முடித்தார். 

டெல்லி மதங்கீர் பகுதியில் திங்கட்கிழமை இரவு திருமண ஊர்வல நிகழ்ச்சி ஒன்று நிகழ்ந்துள்ளது. கான்பூரில் இருந்து உறவினர்கள் பூடை சூழ மணமகன் வீட்டார் திருமண மண்டபத்தை நோக்கி ஊர்வலமாக சென்று கொண்டிருந்தனர். டிஜே இசை நிகழ்ச்சி உடன் மிகவும் உற்சாகமாக அந்த ஊர்வலம் நடைபெற்றது. இரவு சுமார் 10 மணியளவில் மண்டபத்தில் இருந்து சுமார் 400 மீட்டர் தொலைவில் திடீரென மணமகன் பாதால் மீது அடையாளம் தெரியாத இரண்டு நபர்கள் துப்பாக்கியால் சுட்டுள்ளனர். துப்பாக்கிக் குண்டானது பதால் வலது தோளில் பாய்ந்துள்ளது. 

உடனடியாக அருகில் இருந்த தனியார் மருத்துவமனையில் மணமகன் பதாலை சேர்த்துள்ளனர். அவருக்கு சுமார் 3 மணி நேரம் மருத்துவர்கள் சிகிச்சை அளித்தனர். இருப்பினும், துப்பாக்கிக் குண்டினை எடுக்க முடியவில்லை. அவசர சிகிச்சை மட்டும் அளிக்கப்பட்டது. சிகிச்சை முடிந்த கையோடு திருமண மண்டபத்திற்கு மணமகன் பதால் சென்றுள்ளார். துப்பாக்கி பாய்ந்த தோளோடு சென்று திருமணத்தை அவர் முடித்துள்ளார். 

பின்னர், திருமணம் முடிந்த கையோடு பதாலை உறவினர்கள் மருத்துவமனையில் சேர்த்துள்ளனர். தோளில் உள்ள எலும்புகளுக்கு இடையில் குண்டு சிக்கிக் கொண்டதால் அறுவை சிகிச்சை செய்ய வேண்டும் என மருத்துவர்கள் தெரிவித்துள்ளனர். இந்த துப்பாக்கிச் சூடு குறித்து போலிசார் விசாரணை நடத்தி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close