[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்

42 பேரைச் சுட்டுக்கொன்ற ஹாசிம்புரா வழக்கு: 16 போலீசாருக்கு ஆயுள்!

16-police-men-get-life-for-hashimpura-massacre

உத்தர பிரதேச மாநிலம் ஹாசிம்புராவில் 1987 ஆம் ஆண்டு நடந்த படுகொலை வழக்கில், குற்றஞ்சாட்டப்பட்ட 16 போலீசாருக்கு டில்லி உயர் நீதிமன்றம் ஆயுள் தண்டனை விதித்து, தீர்ப்பளித்துள்ளது.

உத்தர பிரதேச மாநிலம் மீரட் மாவட்டத்தில் உள்ள  ஹாசிம்புரா பகுதியில் 1987 ஆம் ஆண்டு இனக் கலவரம் ஏற்பட்டது. இதில் சுமார் 350க்கும் அதிகமானோர் உயிரிழந்தனர். கலவரத்தை ஒடுக்க ஆயுதப் படை போலீசார் ஈடுபடுத்தப்பட்டனர். அப்போது சிறுபான்மை சமூகத்தைச் சேர்ந்த சுமார் 42 இளைஞர்கள் ஆயுதப்படை போலீசார் சுட்டுக்கொல்லப்பட்டனர். சுட்டுக்கொல்லப்பட்ட இளைஞர்களின் உடல்கள் அருகில் இருந்த கால்வாயில் மிதந்ததையடுத்து, இந்த விவகாரம் பரபரப்பானது. 


இந்த வழக்கை, காசியாபாத் நீதிமன்றம் முதலில் விசாரித்தது. பின்னர் உச்சநீதிமன்றத்தின்  உத்தரவுப்படி வழக்கு டெல்லிக்கு மாற்றப்பட்டது. இவ்வழக்கை விசாரித்த டெல்லி நீதிமன்றம் 17 பேர் மீது குற்றச்சாட்டு பதிவு செய்தது. அவர்களில் ஒருவர் விசாரணை காலத்தில் இறந்து விட்டார். இதனால் 16 பேர் மீதான குற்றச்சாட்டு சந்தேகத்துக்கு இடமின்றி நிரூபிக்கப்படவில்லை என்று கூறி, 2015 ஆம் ஆண்டு விடுதலை செய்து தீர்ப்பளித்தது.

இதை எதிர்த்து உத்தரபிரதேச அரசு சார்பில் டெல்லி உயர்நீதிமன்றத்தில் மேல்முறையீடு செய்யப்பட்டது. இந்த வழக்கை நீதிபதிகள் எஸ். முரளிதர், வினோத் கோயல் அமர்வு விசாரித்தது. கடந்த மாதம் 6ஆம் தேதி விசாரணை முடிந்து தீர்ப்பு ஒத்திவைக்கப்பட்டது.

இந்த நிலையில், நேற்று தீர்ப்பு கூறப்பட்டது. டெல்லி கீழ் நீதிமன்ற தீர்ப்பை ரத்து செய்தும், விடுதலை செய்யப்பட்ட 16 போலீசாருக்கும் ஆயுள் சிறைத்தண்டனை விதித்தும் டெல்லி உயர்நீதிமன்ற நீதிபதிகள் எஸ். முரளிதர், வினோத் கோயல் அமர்வு தீர்ப்பளித்தது.

அதைத் தொடர்ந்து 16 பேரும் சிறையில் அடைக்கப்பட்டனர். இந்த வழக்கில் தண்டிக்கப்பட்ட போலீசார் அனைவரும் தற்போது பணியில் இருந்து ஓய்வுபெற்று விட்டனர்.

31 வருடங்களுக்குப் பிறகு தங்களுக்கு நீதி கிடைத்திருப்பதாக, இதில் கொல்லப்பட்டவர்களின் உறவினர்கள் தெரிவித்துள்ளனர். 

Advertisement:
Advertisement:
Advertisement:
[X] Close