[X] Close
JUST IN
  • BREAKING-NEWS பிரபல பாலிவுட் நடிகர் அமிதாப் பச்சனுக்கு உடல்நலக்குறைவு: மருத்துவமனையில் அனுமதி
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு
  • BREAKING-NEWS நாங்குநேரியில் ஆங்காங்கே சிதறிக்கிடந்த 2 ஆயிரம் ரூபாய் நோட்டுகள் பறிமுதல்: 5 பேரிடம் விசாரணை

தீபாவளிக்காக தயாரான பசுமை பட்டாசுகள்

central-science-and-industry-research-center-introduced-green-crackers

தீபாவளிக்கு வெடிக்க மத்திய அறிவியல் மற்றும் தொழில் ஆராய்ச்சி மையம் பசுமை வகை பட்டாசுகளை உருவாக்கியுள்ளது.

பண்டிகைகள் மற்றும் விழாக்காலங்களில் சுற்றுச்சூழலுக்கு உகந்த பசுமைப் பட்டாசுகளை மட்டுமே பயன்படுத்த வேண்டும் என உச்சநீதிமன்றம் அண்மையில் உத்தரவிட்டது. ஆனால் உச்சநீதிமன்றம் குறிப்பிட்டது போல பசுமைப் பட்டாசுகள் என்று எதுவும் இல்லை என பட்டாசு உற்பத்தியாளர்கள் தெரிவித்தனர். இந்தச் சூழலில் மத்திய அறிவியல் மற்றும் தொழில் ஆராய்ச்சி மையமான, சிஎஸ்ஐஆர் (CSIR)ஐ சேர்ந்த விஞ்ஞானிகள் சுற்றுச்சூழலுக்கு உகந்த பசுமைப் பட்டாசுகளை உருவாக்கியுள்ளனர். 

தற்போது உள்ள பட்டாசுகளுடன் ஒப்பிடும் போது, இந்தப் பட்டாசுகள் குறைவான மாசுவை வெளியிடும் என இவற்றை அறிமுகம் செய்து வைத்து சுற்றுசூழல் துறை அமைச்சர் ஹர்ஷவர்தன் கூறியுள்ளார். இந்த வகை பட்டாசுகள் உரிமம் பெறுவதற்காக அனுப்பி வைக்கப்பட்டுள்ள நிலையில், இந்தத் தீபாவளிக்கு விற்பனைக்கு வராது எனத் தெரிவிக்கப்பட்டுள்ளது. ஸ்வாஸ், ஸ்டார், ஸஃபால் (SWAS, STAR, SAFAL) எனப் பெயரிடப்பட்ட மூன்று வகையான பசுமைப்பட்டாசுகள் உருவாக்கப்பட்டுள்ளன. 

இதில் பேரியம், பொட்டாசியம் நைட்ரேட் உள்ளிட்டவற்றின் அளவு வெகுவாக குறைக்கப்பட்டுள்ளது. பரிசோதனை செய்த போது குறைந்த அளவிலான மாசு மற்றும் ஒலியையே இவை வெளியிட்டதாக அமைச்சர் ஹர்ஷவர்தன் கூறியுள்ளார். அதே வேளையில் தற்போதுள்ள பட்டாசுகளை உற்பத்தி செய்ய எவ்வளவு செலவாகுமோ, அதை விட 30 சதவிகிதம் வரை குறைவான செலவிலேயே புதிய வகை பட்டாசுகளை உற்பத்தி செய்யலாம் என்றும் அவர் தெரிவித்தார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close