[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

ஒடிசாவை உலுக்கிய யானைகள் மரணம்.. ஒரே நேரத்தில் 7 யானைகள் உயிரிழப்பு..!

7-elephants-electrocuted-in-odisha-while-passing-through-a-village

ஒடிசாவில் ஒரே நேரத்தில் 7 யானைகள் மின்சாரம் தாக்கி உயிரிழந்த சம்பவம் வன ஆர்வலர்கள் மத்தியில் அதிர்ச்சியை ஏற்படுத்தியுள்ளது.

ஒடிசா மாநிலம் தென்கனல் மாவட்டத்தில் உள்ள வயல் ஒன்றில் 13 யானைகள் கூட்டமாக மேய்ந்துள்ளன. பின்னர் அவைகள் அங்கிருந்த கால்வாய் நோக்கி வரிசையாக சென்றுள்ளன. அந்த இடத்தில் உயர்அழுத்த மின்கம்பி ஒன்ற தாழ்வான உயரத்தில் சென்றதாக தெரிகிறது. இந்த கம்பி யானைகள் மீதும் பட்டுள்ளது. இதில் 7 யானைகள் ஒரே நேரத்தில் மின்சாரம் தாக்கி பரிதாபமாக உயிரிழந்தன. மற்ற யானைகள் எப்படியோ தப்பித்துவிட்டன. உயிரிழந்ததில் 5 பெண் யானைகள் மற்றும் இரண்டு யானைகள்.

ஒரே நேரத்தில் 7 யானைகள் உயிரிழந்த சம்பவம் வன ஆர்வலர்கள் மத்தியில் அதிர்ச்சியை ஏற்படுத்தியுள்ளது. யானைகள் உயிரிழப்பு தொடர்பாக வன மற்றும் சுற்றுச்சூழல் துறையானது ஒரு அதிகாரியை பணிநீக்கம் செய்ததோடு 6 பேரை இடைநீக்கம் செய்துள்ளது.

கடந்த 2009-ஆம் ஆண்டு மதல் 2017 வரை இந்தியாவில் மட்டும் 655 யானைகள் உயிரிழந்துள்ளன. யானைகள் உயிரிழப்புக்கு முக்கிய காரணமாக சொல்லப்படுவது மின்சாரம் தாக்குதல், ரயிலில் அடிபடுதல், யானைகளை தந்தத்திற்காக வேட்டையாடுதல் மற்றும் விஷம் வைத்து கொல்லுதல் ஆகியவவையே ஆகும். 1987 முதல் 2010 வரை 150 யானைகள் ரயில்வே தண்டவளாங்களை கடக்கும்போது அடிபட்டு உயிரிழந்துள்ளதாக புள்ளி விவரங்கள் தெரிவிக்கின்றன.

உலகத்திலேயே ரயிலில் அடிபட்டு யானைகள் உயிரிழப்பு இந்தியாவில்தான் அதிகமாக உள்ளது. இதனிடையே யானைகள் ரயிலில் அடிபட்டு உயிரிழப்பதை தடுக்க இந்திய ரயில்வே உரிய நடவடிக்கை எடுக்க வேண்டும் என்ற கோரிக்கையும் எழுந்துள்ளது. யானைகளின் வழித்தடங்கள் மனிதர்களால் ஆக்கிரமிக்கப்பட்டு வரும் இச்சூழலில் தொடர்ச்சியாக யானைகள் வாழ முடியாத சூழ்நிலையே உள்ளது. எனவே யானைகளுக்கு அதிக முக்கியத்துவம் கொடுத்து அதனை காக்க வேண்டும் என்பதே வன ஆர்வலர்களின் கோரிக்கையாக உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close