[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

உடல் பருமனை காரணம் காட்டி முத்தலாக் சொன்ன கணவர் கைது

man-gives-wife-triple-talaq-for-being-fat

உடல் பருமனாக இருந்த மனைவியை மூன்று முறை தலாக் கூறி விவாகரத்து செய்ய முயன்றவர் கைது செய்யப்பட்டுள்ளார்.

மத்தியப் பிரதேச மாநிலம் ஜாபா மாவட்டம் மேக்நகர் பகுதியை சேர்ந்தவர் சல்மா பேனோ. இவருக்கும் ஆரிப் என்பருக்கும் கடந்த 10 வருடங்களுக்கு முன் திருமணம் நடைபெற்ற நிலையில் ஒரு ஆணும், பெண்ணும் குழந்தைகளாக உள்ளனர். திருமணம், குழந்தை பிறப்புக்கு பின் சல்மா பேனோவின் உடல் எடை கூடியிருக்கிறது. இதனால் பருமனாக மாறியிருக்கிறார். சல்மான பேனோ குண்டாக மாறியதால் அவரது கணவருக்கு அது பிடிக்காமல் போயிருக்கிறது. அவரின் உடல் எடையை சொல்லிச் சொல்லி அடிக்கடி சல்மா பேனோவை துன்புறுத்தியிருக்கிறார் ஆரிப். அதுமட்டுமில்லாமல் சல்மாவின் மாமியாரும் உடல் எடையை வைத்து சல்மாவை இழிவாக பேசியிருக்கிறார்.

ஒரு கட்டத்தில் சல்மா பிடிக்காமல் போக, மூன்று முறை தலாக் கூறி விவாகரத்திற்கு முயன்றிருக்கிறார் ஆரிப். அத்துடன் தன்னுடைய குழந்தைகளையும் சல்மாவிடம் இருந்து பிரித்துச் செல்ல முயற்சி செய்திருக்கிறார். இந்த தகவலை சல்மா ஏஎன்ஐ-க்கு தெரிவித்திருக்கிறார். அத்தோடு போலீசிலும் புகார் அளித்துள்ளார். இந்நிலையில் போலீசார் அவரை கைது செய்துள்ளனர். கைது செய்யப்பட்ட ஆரிப்பின் மீது ஐபிசி 323 மற்றும் 498 பிரிவுகளின் கீழ் வழக்குப்பதிவு செய்யப்பட்டுள்ளது.

முத்தலாக் முறையை குற்றமாக கருதும் அவசர சட்டத்திற்கு குடியரசுத் தலைவர் ராம்நாத் கோவிந்த் சமீபத்தில் ஒப்புதல் அளித்திருந்தார். குடியரசுத் தலைவர் ஒப்புதலை அடுத்து அவசர சட்டம் அமலுக்கும் வந்தது. இந்நிலையில் உடல் பருமனாக இருந்த மனைவியை மூன்று முறை தலாக் கூறி விவாகரத்து செய்ய முயன்றவர் கைது செய்யப்பட்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close