[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

தீபக் மிஸ்ராவின் தீர்ப்புகளும், சர்ச்சைகளும்.

chief-justice-dipak-mishra-has-ruled-in-several-major-cases

உச்சநீதிமன்றத்தின் தலைமை நீதிபதியான தீபக் மிஸ்ரா இன்றுடன் ஓய்வு பெறுகிறார். 13 மாதங்கள் தலைமை நீதிபதியாக இருந்த இவர், பல அதிரடி தீர்ப்புகளை வழங்கியுள்ளார்.

ஒடிசாவில் 1953 அக்டோபர் 3 ஆம் தேதி பிறந்த தீபக் மிஸ்ரா, உச்சநீதிமன்றத்தின் 45ஆவது தலைமை நீதிபதியாக கடந்த ஆண்டு ஆகஸ்ட் 28ஆம் தேதி பதவியேற்றார் தீபக் மிஸ்ரா. பல வழக்குகளை தயக்கமின்றி கையாளும் விதம், வேகமான நிர்வாக முடிவுகள் என பரபரப்பாக செயல்பட்டார். தனது பதவிக்காலத்தின் கடைசிக் கட்டத்தில் பல முக்கிய வழக்குகளில் தீர்ப்பு அளித்துள்ளார்.

அவற்றில், சபரிமலை ஐயப்பன் கோயிலுக்கு அனைத்து வயது பெண்களும் செல்லாம் என்ற தீர்ப்பு பெரிதாக பேசப்பட்டது. பெண்கள் ஆண்களுக்கு சமம் என்றும், பெண்களுக்கு எதிராக பாரபட்சம் காட்டக்கூடாது எனவும் தீர்ப்பில் குறிப்பிட்டிருந்தார். தன்பாலின உறவு குற்றமல்ல, வேறொருவர் மனைவியுடன் உடலுறவு கொள்ளும் முறையற்ற உறவு கிரிமினல் குற்றமல்ல என்ற பரபரப்பான தீர்ப்பையும் தீபஸ் மிஸ்ரா தலைமையிலான அமர்வு வழங்கியுள்ளது.

முறையற்ற உறவில் ஈடுபடும் ஆணுக்கு 5 ஆண்டுகள் சிறை தண்டனை வழங்கும் சட்டப்பிரிவையும் ரத்து செய்து உத்தரவிட்டிருந்தார் தீபக் மிஸ்ரா. அயோத்தி தொடர்பான துணை வழக்கை அரசியல் சாசன அமர்வு விசாரிக்கத் தேவையில்லை என்ற அதிரடித் தீர்ப்பையும் தீபக் மிஸ்ரா அமர்வு வழங்கியுள்ளது. நீண்ட காலமாக நடைபெற்ற ஆதார் அடையாள அட்டை அவசியமா? என்ற வழக்கிலும் தீபக் மிஸ்ரா தலைமையிலான தீர்ப்பு வழங்கியது. பான் அட்டை, வருமான வரி கணக்கு தாக்கல் ஆகியவற்றிற்கு ஆதார் கட்டாயம் என்ற தீர்ப்பை தீபக் மிஸ்ரா வழங்கியுள்ளார்.

உச்சநீதிமன்ற வழக்கு விசா‌ரணைகளை நேரலை செய்யலாம் என்ற தீர்ப்பையும் வழங்கியிருக்கிறார். காவிரி நதிநீர் பிரச்னையில் மத்திய அரசு உடனடியாக காவிரி ஆணையத்தை அமைக்க வேண்டும் என உத்தரவிட்டவரும் இவரே. அதிரடியாக பல தீர்ப்புகளை வழங்கிய தீபக் மிஸ்ரா, மூத்த நீதிபதிகளை கலந்து ஆலோசிப்பதில்லை , நீதிபதிகள் நியமன விவகாரத்தில் மத்திய அரசை போதிய அளவு எதிர்க்கவில்லை என்ற விமர்சனமும் முன்வைக்கப்படுகிறது.

வழக்குகளை விசாரணைக்கு ஒதுக்குவதில் பாரபட்சம் காட்டுவதாக தலைமை நீதிபதிக்கு எதிராக மூத்த நீதிபதிகள் செல்லமேஸ்வர், ரஞ்சன் கோகோய், குரியன் ஜோசப், மதன் லோகூர் ஆகியோர் போர்க்கொடி தூக்கிய நிகழ்வும் அரங்கேறியது. பெரும்பாலும் சர்ச்சைகளும், சவால்களும் நிறைந்ததிருந்தாலும் பல நிறைவான தீர்ப்புகளை தலைமை நீதிபதி தீபக் மிஸ்ரா வழங்கியுள்ளார் என்பதை மறுக்க முடியாது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close