[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

எம்.பி., எம்.எல்.ஏக்களின் நாக்கு துண்டிக்கப்படும்: போலீஸ் இன்ஸ்பெக்டர் எச்சரிக்கை

andhra-policeman-threatens-to-cut-tongues-of-mps-mlas-for-disrespecting-police-force

போலீசாரை அவமதிக்கும் வகையில் தொடர்ந்து பேசினால் உங்களின் நாக்கு துண்டாக்கப்படும் என எம்.பி., எம்எல்ஏக்களுக்கு ஆந்திரா இன்ஸ்பெக்டர் ஒருவர் எச்சரிக்கை விடுத்துள்ளார்.

தெலுங்கு தேசம் கட்சியை சேர்ந்த எம்.பி.யான திவாகர் ரெட்டி கடந்த சில தினங்களுக்கு முன் போலீசாரை சரமாரியாக விமர்சித்து பேசியிருந்தார். அதாவது தாதிபத்ரி கிராமம் அருகே இரு தரப்புக்கு இடையே மோதல் ஏற்பட்டது. இந்தக் கலவரத்தை கட்டுப்படுத்த போலீசார் எந்த நடவடிக்கையும் எடுக்காமல் திருநங்கைகள் போல ஓடி ஒளிந்துவிட்டதாக திவாகர் ரெட்டி போலீசாரை கடுமையாக சாடியிருந்தார். எம்.பி திவாகர் ரெட்டியின் பேச்சு போலீசார் மத்தியில் சிறிது சலசலப்பையும் ஏற்படுத்தியது.

இந்நிலையில் போலீசாரை அவமதிக்கும் வகையில் தொடர்ந்து பேசினால் உங்களின் நாக்கு துண்டாக்கப்படும் என எம்.பி., எம்எல்ஏக்களுக்கு ஆந்திரா இன்ஸ்பெக்டர் ஒருவர் எச்சரிக்கை விடுத்துள்ளார். அனந்தபுரம் மாவட்டத்தை சேர்ந்த இன்ஸ்பெக்டர் மாதவ் பத்திரிகையாளர் சந்திப்பில் இந்த நேரடி எச்சரிக்கையை விடுத்துள்ளார். இதுதொடர்பாக பேசிய அவர், “இதுவரை நாங்கள் பொறுமை காத்து வந்தோம். இனி யாரேனும் போலீசாரை வரம்பு கடந்து பேசினால் பொறுத்துக்கொள்ள மாட்டோம். அவர்களின் நாக்கை துண்டிக்காகி விடுவோம். கவனத்துடன் இருங்கள்” எனக் கூறியுள்ளார்.

இதற்கு பதிலளித்துள்ள எம்.பி திவாகர் ரெட்டி, “என் நாக்கை அறுங்கள் பார்ப்போம். நான் எங்கு வர வேண்டும் என சொல்கிறீர்கள்?” எனக் கேள்வி எழுப்பியுள்ளார். மேலும் இதுதொடர்பாக இன்ஸ்பெக்டர் மீது திவாகர் ரெட்டி புகாரும் அளித்துள்ளார். இருப்பினும் இதுவரை இன்ஸ்பெக்டர் மாதவ் மீது எந்த முதல் தகவல் அறிக்கையும் பதிவு செய்யப்படவில்லை என தாதிபத்ரி போலீஸ் அதிகாரி விஜயகுமார் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close