[X] Close
JUST IN
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்

மூத்த கம்யூனிஸ்ட் தலைவர் கோடீஸ்வரம்மா மறைவு 

revolutionary-communist-leader-kondapalli-koteswaramma-passes-away

புரட்சிகர கம்யூனிஸ்ட் தலைவர் கொண்டபள்ளி கோடீஸ்வரம்மா தனது 99வது வயதில் காலமானார். சமீபத்தில்தான் கோடீஸ்வரம்மா தனது 100வது பிறந்தநாளை கொண்டாடினார். சுதந்திர போராட்ட வீராங்கனை, மூத்த கம்யூனிஸ்ட் தலைவர், எழுத்தாளர், பெண்ணியவாதி என கோடீஸ்வரம்மா பன்முகத் தன்மை கொண்டவர். 

ஆந்திர மாநிலம் பமர்ரு அப்குதியில் 1920ம் ஆண்டு பிறந்தவர் கோடீஸ்வரம்மா. தனது 4 வயதில் இவருக்கு பால்ய திருமணம் நடந்தது. அவரது மாமாவையே அவருக்கு திருமணம் செய்து வைத்தனர். ஆனால், திருமணமான இரண்டே வருடங்களில் தனது கணவர் இறந்துவிட சிறு வயதிலேயே விதவைக் கோலம் பூண்டார். அப்போது சமூகத்தில் தாங்க முடியாத கொடுமைகளை அனுபவித்தார். 

தனது 10 வயதிலேயே கோடீஸ்வரம்மா சுதந்திர போராட்டங்களில் கலந்து கொண்டார். பல்வேறு கூட்டங்களில் சுதந்திர போராட்ட பாடல்களை அவர் பாடினார். 18 வயதில் பிரபல கம்யூனிஸ்ட் தலைவர் கொண்டபள்ளி சீதராமையா என்பவரை அவர் திருமணம் செய்து கொண்டார். அதன் பின்னர் அவரது வாழ்க்கை மாறியது. கோடீஸ்வரம்மாவும் குடிவாடா பகுதியில் கம்யூனிஸ்ட் கட்சிக்காக பணியாற்றினார். கம்யூனிஸ்ட் கட்சியின் பெண்கள் அமைப்பில் பல்வேறு பணிகளை செய்தார். சில சமயங்களில் தலைமறைவு வாழ்க்கை வாழ்ந்தும் அவர் கட்சிப் பணிகளை மேற்கொண்டார். 

      

பின்னர் தனது 35வது வயதில் படிப்பை தொடர்ந்தார். படிப்பை முடித்து கதைகள் எழுதினார். ரேடியோவில் பணியாற்றினார். தன்னுடைய வருமானத்தில் கட்சிக்கு தொடர்ந்து பணம் அனுப்பி வந்தார். தனது மகள், மகனை நன்றாக படிக்க வைத்தார். கம்யூனிஸ்ட் அரசியலில் முழு வீச்சில் இருந்த தனது கணவர் சீதராமையாவுக்கு தொடர்ந்து உதவினார். தன்னுடைய கணவர் 87 வயதில் இறந்துவிடவே அவர் ஐதராபாத்தில் உள்ள முதியோர் இல்லத்தில் தனது கடைசி நாட்களை கழித்தார். இந்நிலையில் அவர் உடல் நலக் குறைவால் இன்று காலமானார். கடந்த சில வாரங்களாகவே அவர் மூளை இரத்த அழுத்த பிரச்னையால் பாதிக்கப்பட்டு இருந்தார்.

கோடீஸ்வரம்மா பெண்கள் சார்ந்த பல்வேறு பிரச்னைகளுக்கு தொடர்ந்து குரல் கொடுத்து வந்துள்ளார். இதற்காக பல்வேறு நீதிப் போராட்டங்களையும் அவர் நடத்தினார். விளிம்புநிலை மக்களின் பிரச்னைகளுக்காக போராடினார். கோடீஸ்வரம்மா மொத்தம் 4 புத்தகங்களை எழுதியுள்ளார். அதில் ‘நிர்ஜனா வரதா’என்ற அவரது சுயசரிதை புத்தகமும் ஒன்று. 

Advertisement:
Advertisement:
Advertisement:
[X] Close