[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

இளம் பெண்ணை கொடூரமாக தாக்கும் போலீஸ் அதிகாரி மகன் - பரபர வீடியோ

delhi-cop-s-son-thrashes-woman-friend-films-rajnath-singh-orders-action

டெல்லியில் இளம் பெண்ணை போலீஸ் அதிகாரி மகன் ஒருவர் சரமாரியாக அடித்து கொடுமை படுத்தும் காட்சிகள் வெளியாகி அதிர்ச்சியை ஏற்படுத்தியுள்ளது. புகாருக்கு உள்ளான காவல் உதவி ஆய்வாளரின் மகன் ரோகித் சிங் தோமர் உடனடியாக கைது செய்யப்பட்டார். 

இந்த வீடியோவில், பெண்ணின் முடியை பிடித்து இழுத்து பளார், பளார் என அவரது கன்னத்தில் போலீஸ் அதிகாரின் மகன் அடிக்கிறார். மேலும், அந்தப் பெண்ணை தரையில் இழுத்து போட்டு அடிக்கிறார். தன்னுடைய கால் மூட்டால் தொடர்ந்து தாக்குகிறார். இந்தக் காட்சிகளை அவரது நண்பர் படம் எடுத்துள்ளார். அப்போது ‘ரோகித், நிறுத்து போதும்’ என்று கூறுகிறார். ஆனால், அந்த நண்பர் அடிப்பதை தடுத்து நிறுத்தவில்லை. 

         

இந்த வீடியோ டெல்லி உத்தம் நகரில் உள்ள கால் செண்டர் ஒன்றில் கடந்த செப்டம்பர் 2ம் தேதி எடுத்துள்ளதாக கூறப்படுகிறது. இந்த வீடியோவை அவரது நண்பர் சமூக வலைத்தளத்தில் பதிவு செய்துள்ளார். அந்த வீடியோ வைரலாக பலராலும் பகிரப்பட்டுள்ளது. வைரலாக பகிரப்பட்ட இந்த வீடியோ உள்துறை அமைச்சர் ராஜ்நாத் சிங் பார்வைக்கும் சென்றுள்ளது. 

இதுகுறித்து ராஜ்நாத் சிங் தனது ட்விட்டர் பக்கத்தில், “ஒரு இளம் பெண்ணை வாலிபர் ஒருவர் கடுமையாக தாக்கும் வீடியோவை பார்த்தேன். இதுகுறித்து டெல்லி போலீஸ் கமிஷ்னரிடம் பேசியுள்ளேன். உரிய நடவடிக்கை எடுக்குமாறு கேட்டுக் கொண்டுள்ளேன்” என்று குறிப்பிட்டுள்ளார். 

         

இதில் முக்கிய திருப்பமாக மற்றொரு பெண் ஒருவர் காவல் நிலையத்தில் ரோகித் மீது நேற்று புகார் அளித்துள்ளார். அதில், தான் ரோகித்திற்கு நிச்சயக்கப்பட்ட பெண் என்றும், அவர் தன்னுடைய அலுவலக பெண் ஊழியர் ஒருவரை கடுமையாக தாக்கியதாகவும் குறிப்பிட்டுள்ளார். மேலும், அந்த வீடியோவை பார்த்த பின்னர் திருமணத்தை நிறுத்திவிட்டதாக கூறியுள்ளார். 

    

இதனையடுத்து, வீடியோவில் உள்ள அந்தப் பெண் இன்று போலீசில் புகார் அளித்துள்ளார். ரோகித் தன்னுடைய நண்பர் அலுவலகத்திற்கு தன்னை வரவழைத்து பாலியல் வன்கொடுமை செய்ததாக புகாரில் தெரிவித்துள்ளார். போலீசில் கூறிவிடுவேன் என்று சொன்னால் கடுமையாக தாக்கியதாக அதில் குறிப்பிட்டுள்ளார். இந்நிலையில் ரோகித் மீது இரண்டு பிரிவுகளின் கீழ் காவல்துறையினர் வழக்குப் பதிவு செய்துள்ளனர்.

வீடியோ

Advertisement:
Advertisement:
Advertisement:
[X] Close