[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

‘மாத்ருபூமி’ ஆசிரியர், மனைவி மீது கொள்ளையர்கள் கொடூர தாக்குதல்

mathrubhumi-news-editor-and-wife-brutally-assaulted-in-house-robbery-in-kerala

கேரளாவில் பிரபல பத்திரிகையான மாத்ருபூமியின் ஆசிரியர் மற்றும் அவரது மனைவி மீது கொள்ளையர்கள் கொடூரமாக தாக்குதல் நடத்தியுள்ள சம்பவம் அதிர்ச்சியை ஏற்படுத்தியுள்ளது. 

கேரளாவில் மிகவும் பிரபலமான பத்திரிகை ‘மாத்ருபூமி’. மாத்ருபூமியில் கன்னூர் பிரிவின் செய்தி ஆசிரியராக பணியாற்றுபவர் வினோத் சந்திரன். இவரது வீட்டில் 4 கொள்ளையர்கள் நேற்று கொள்ளையடிக்கச் சென்றுள்ளனர். இந்தச் சம்பவம் அதிகாலை 1.30 முதல் 3.30 வரை நடைபெற்றதாக கன்னூர் நகர போலீஸ் அதிகாரி பிரதீபன் கன்னிப்பொயில் கூறினார்.

முதலில் வீட்டின் முன்புற கதவை உடைத்து கொள்ளையர்கள் உள்ளே சென்றுள்ளனர். சத்தம் கேட்கவே வினோத், அவரது மனைவி சரிதா தங்களது அறையில் இருந்து வெளியே வந்து பார்த்துள்ளனர். அவர்கள் வெளியே வந்தவுடன் கொள்ளையர்கள் இருவரையும் கயிற்றால் கட்டியுள்ளனர். அதேபோல், கண்களையும், வாயையும் மூடியுள்ளனர். 

            

பின்னர், வினோத் சந்திரன் வீட்டில் இருந்து நகைகளை கொள்ளையர்கள் கொள்ளையடித்துச் சென்றனர். கொள்ளையர்கள் சென்றவுடன் வினோத் மற்றும் அவரது மனைவி தங்களை கட்டியிருந்த கயிறை எப்படியோ அவிழ்த்துள்ளனர். பின்னர், உடனடியாக போலிசாருக்கு போன் செய்துள்ளனர். போலீசார் உடனடியாக அவர்கள் வீட்டிற்கு வந்துள்ளனர். வினோத் மற்றும் அவரது மனைவி இருவருக்கும் கழுத்து, முகத்தில் பலத்த காயம் ஏற்பட்டு இருந்தது. இதனையடுத்து, கன்னூரில் உள்ள தனியார் மருத்துவமனையில் இருவரும் அனுமதிக்கப்பட்டனர். 

               

இந்தச் சம்பவம் குறித்து ஆசிரியர் வினோத் சந்திரன் தி நியூஸ் மினிட்டிடம் கூறுகையில், “அவர்கள் எனது கண்களையும், வாயையும் கட்டிவிட்டு கடுமையாக தாக்கினர். அதேபோல், எனது மனைவியையும் தாக்கினர். அவர்கள் சென்றவுடன் நாங்கள் எங்களை கட்டியிருந்த கயிற்றை அவிழ்த்துவிட்டோம். இல்லையென்றால் நாங்கள் இறந்திருப்போம். அவர்கள் எங்களை கட்டிப் போட்டப் பின்னர் சுமார் ஒரு மணி நேரம் எங்கள் வீட்டில் இருந்தனர். 35 ஆயிரம் ரூபாய் பணமும், 25 சவரன் தங்க நகைகளையும் அவர்கள் கொள்ளையடித்துச் சென்றனர். எங்களது ஏடிஎம் காடுகள், லேப்டாப் மற்றும் மொபைல் போன்களையும் அவர் திருடிச் சென்றனர்” என்றார். 

                

இந்தச் சம்பவம் குறித்து கன்னூர் போலீஸ் அதிகாரி பிரதீபன் கூறுகையில், “இந்தக் கொள்ளை சம்பவத்தில் ஈடுபட்டவர்கள் கேராளவிற்கு வெளியில் இருந்து வந்தவர்கள் என்று தெரிகிறது. அவர்கள் ஹிந்தி மற்றும் ஆங்கிலத்தில் பேசியுள்ளனர். இந்த விவகாரம் தொடர்பாக விசாரணை நடைபெற்று வருகிறது” என்றார்.

தகவல்: the news minute

Advertisement:
இது தொடர்பான செய்திகள் :
Advertisement:
Advertisement:
[X] Close