[X] Close
JUST IN
  • BREAKING-NEWS தேர்தல் ஆணையம் எந்த சின்னத்தை ஒதுக்கினாலும் அமமுக மிகப்பெரிய வெற்றி பெறும் - டிடிவி தினகரன்
  • BREAKING-NEWS உத்தரப்பிரதேச மாநிலம் சுல்தான்பூர் தொகுதியில் பாஜக சார்பில் மேனகா காந்தி போட்டியிடுகிறார்
  • BREAKING-NEWS குக்கர் சின்னம் கிடைக்காத நிலையில், உச்சநீதிமன்ற உத்தரவுபடி பொதுச்சின்னம் கேட்டு தேர்தல் ஆணையத்தில் டிடிவி தினகரன் மனு
  • BREAKING-NEWS காங்கிரஸ் ஆட்சிக்கு வந்தால் விவசாயிகளின் கடன் தள்ளுபடி செய்யப்படும்; கார்த்தி சிதம்பரத்திற்கு சீட் கொடுத்ததில் தவறில்லை - காங்கிரஸ் தேனி வேட்பாளர் ஈவிகேஎஸ் இளங்கோவன்
  • BREAKING-NEWS 2ம் கட்டமாக மக்களவை தேர்தல் நடைபெறும் தமிழகம். புதுச்சேரி உள்ளிட்ட 97 மக்களவை தொகுதிகளுக்கு வேட்பு மனுத்தாக்கல் நிறைவு
  • BREAKING-NEWS டிடிவி தரப்பு வழக்கில் உச்சநீதிமன்றம் வழங்கிய உத்தரவை மற்ற வழக்குகளுக்கு முன்மாதிரியாக கருதக்கூடாது என்ற ஆணையத்தின் கோரிக்கை நிராகரிப்பு
  • BREAKING-NEWS டிடிவி தினகரனின் அமமுகவுக்கு குக்கர் சின்னத்தை ஒதுக்க உச்சநீதிமன்றம் மறுப்பு

“நம்முடைய ராணுவ வீரர்கள் தினந்தோறும் சுடப்படுகிறார்கள்” சித்துவை விளாசிய பஞ்சாப் முதல்வர்

every-day-our-jawans-shot-amarinder-singh-lashes-out-at-navjot-sidhu

பாகிஸ்தான் ராணுவ தளபதியை கட்டித் தழுவிய முன்னாள் கிரிக்கெட் வீரர் சித்துவை பஞ்சாப் முதலமைச்சர் அமரீந்தர் சிங் கடுமையாக விமர்சித்துள்ளார்.

பாகிஸ்தானில் நடந்த தேர்தலில் முன்னாள் கிரிக்கெட் வீரர் இம்ரான் கான் தலைமையிலான கட்சி, தனிப்பெரும் கட்சியாக உருவெடுத்தது. ஆனால் ஆட்சியமைக்க போதுமான இடங்களை பெறவில்லை. மற்ற கட்சிகளுடன் உதவியுடன் இம்ரான் கான் ஆட்சியமைத்துள்ளார். பாகிஸ் தான் நாடாளுமன்றத்தில் நடந்த பிரதமருக்கான வாக்கெடுப்பில் அவர் வெற்றி பெற்றார். இதையடுத்து பாகிஸ்தானின் 22 வது பிரதமராக இம்ரான் கான் கடந்த சனிக்கிழமை பதவியேற்றார். 

இஸ்லாமாபாத்தில் உள்ள ஜனாதிபதி மாளிகையில் இந்த பதவியேற்பு விழா நடைபெற்றது. எளிமையாக நடைபெற்ற இந்த விழாவில், இம்ரான் கானுக்கு ஜனாதிபதி பதவிப்பிரமாணம் செய்து வைத்தார். இந்த விழாவில் வெளிநாட்டு பிரதிநிதிகளுக்கும் அழைப்பு விடுக்கப் பட்டிருந்தது. இந்தியாவில் இருந்து முன்னாள் கிரிக்கெட் வீரரும் பஞ்சாப் மாநில அமைச்சருமான சித்து கலந்து கொண்டார். 

ஜனாதிபதி மாளிகையில் நடந்த விழாவில் அவர் பாகிஸ்தான் ஆக்கிரமிப்பு காஷ்மீரின் ஜனாதிபதி மசூத் கான் அருகில் அமர வைக்கப்பட்டார். அங்கு வந்த பாகிஸ்தான் ராணுவத் தளபதி கமார் ஜாவேத் பஜ்வாவும் அவரும் கட்டித் தழுவிக்கொண்டனர். ஜனாதிபதி மாளிகைக்கு செல்லும் முன் சித்து கூறும்போது, ‘ இம்ரான் கான் போன்றவர்கள் வரலாற்றை உருவாக்குகின்றனர். இந்த அழைப்பின் மூலம், அவர்கள் என்னை கவுரவப்படுத்தி உள்ளனர். உறவுகளை கட்டியெழுப்பும் மக்கள் மதிக்கப்படுகிறார்கள், அதை உடைப்பவர்கள் அவமதிக்கப்படுகிறார்கள். நான் உறவுகளை மதிப்பவன். இது புதிய விடியல்’ என்றார்.

இந்நிலையில், ஒவ்வொரு நாளும் நம்முடைய ராணுவ வீரர்கள் சுடப்பட்டு வரும் நிலையில், பாகிஸ்தான் ராணுவ தளபதியை கட்டித் தழுவுவதா என்று சித்துவை பஞ்சாப் முதலமைச்சர் அமரீந்தர் சிங் விமர்சித்துள்ளார். 

இதுகுறித்து அவர் கூறுகையில், “ஒவ்வொரு நாளும் நம்முடைய ராணுவ வீரர்கள் கொல்லப்படுகிறார்கள். அவர்களுடைய ராணுவ தளபதியை கட்டித் தழுவதை நான் ஏற்றுக் கொள்ளவில்லை. நம்முடைய ராணுவ வீரர்கள் கொல்லப்படுகிறார்கள் என்பதை அவர் புரிந்து கொள்ள வேண்டும். சில மாதங்களுக்கு முன்பு பஞ்சாப்பில் இருந்து ஒரு மேஜர் மற்றும் இரண்டு ராணுவ வீரர்கள் சுட்டுக் கொல்லப்பட்டிருக்கிறார்கள்” என்றார்.

பஞ்சாப் மாநில பாஜக தலைவர்களுள் ஒருவரான சம்பிட் பத்ரா கூறுகையில், “சித்து சாதாரண மனிதர் அல்ல. அவர் பஞ்சாப் அரசில் அமைச்சராக உள்ளார். இந்தியர்கள் அனைவரும் இந்த விஷயத்தை முக்கியமானதாக பார்க்க வேண்டும். காங்கிரஸ் தலைவர் ராகுல் காந்தி சித்து மீது நடவடிக்கை எடுக்க வேண்டும்” என்றார்.

 

Read Also -> பக்ரீத் கொண்டாடும் பணத்தை தாருங்கள் - இஸ்லாமிய அமைப்பு கோரிக்கை

Read Also -> "7.24 லட்சம் பேர் முகாமில் தஞ்சம்" : பினராயி விஜயன்

Read Also -> கேரள மண்சரிவில் சிக்கி இறந்த ஒருவரின் உடல் மீட்பு

Advertisement:
இது தொடர்பான செய்திகள் :
Advertisement:
Advertisement:
[X] Close