[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

திருப்பதி சாமி தரிசனத்தில் போலி டிக்கெட்: அதிகாரிகள் அதிர்ச்சி 

fake-ticket-in-tirupati-sami-darshan-officials-shocked

திருப்பதி ஏழுமலையான் கோயிலில் சுப்ரபாதம் சேவையில் போலி டிக்கெட்டுடன் தரிசனத்திற்கு செல்ல முயன்ற பக்தர்கள் மீது விஜிலென்ஸ் அதிகாரிகள் வழக்குப்பதிவு செய்து விசாரணை நடத்தி வருகின்றனர். 

திருப்பதி ஏழுமலையான் கோயிலில் தினந்தோறும் அதிகாலையில் சுப்ரபாத சேவையுடன் சுவாமியை துயில் எழுப்புவது வழக்கம். ஏழுமலையான் கோயிலில் தினந்தோறும் நடைபெறும் சேவைகளில் முதல் சேவையான சுப்ரபாத சேவை மிகவும் சிறப்பு வாய்ந்தது. இந்தத் தரிசனத்திற்காக இன்று காலை மகாராஷ்டிர மாநிலத்தைச் சேர்ந்த பக்தர்கள் வந்திருந்தனர். அவ்வாறு வந்த பக்தர்கள் வைத்திருந்த டிக்கெட்டுகளை வைகுண்டம் காத்திருப்பு அறையில் இருந்த ஊழியர்கள் சோதனை செய்தனர்.

இச்சோதனையில் மஹாராஷ்டிர மாநிலத்தை சேர்ந்த 4 பக்தர்கள் கொண்டுவந்த டிக்கெட்டுகள் போலியானவை என்பது தெரியவந்தது. இதையடுத்து அவர்களிடம் நடத்திய விசாரணையில் மகாராஷ்டிர மாநிலம் சோலாப்பூரை சேர்ந்த பிரபாகர் என்பவரிடம் இந்த டிக்கெட்டுகளை வாங்கியதாகவும் ஒரு டிக்கெட் ரூ4 ஆயிரம் கொடுத்து வாங்கியதாக தெரிவித்தனர். இதையடுத்து தேவஸ்தானம் விஜிலென்ஸ் அதிகாரிகள் இது குறித்து வழக்குப்பதிவு செய்து விசாரணை நடத்தி வருகின்றனர். 

ஏழுமலையான் கோயிலில் சுப்ரபாத சேவை டிக்கெட் பொது கோட்டாவில் ரூ 120க்கும் விற்கப்பட்டு வரும் நிலையில் சிபாரிசு கடிதங்கள் மூலம் வழங்கப்படும் கோட்டாவில் ரூ 220 விற்கப்பட்டு வருகிறது. இந்நிலையில் ரூ 4 ஆயிரத்திற்கு இந்த டிக்கெட்டுகளை போலியாக தயார் செய்து விற்பனை செய்த மஹாராஷ்டிர மாநிலம் சோலாப்பூரை சேர்ந்த பிரபாகரனை கைது செய்வதற்காக போலீசார் மூலம் தேவஸ்தான அதிகாரிகள் நடவடிக்கை எடுத்து வருகின்றனர். இதைபோன்று பிரபாகர் எத்தனை பேருக்கு போலி டிக்கெட் வழங்கினார் என்பது குறித்து விசாரணை நடத்தி வருகின்றனர்.

Advertisement:
Advertisement:
Advertisement:
[X] Close