[X] Close
JUST IN
  • BREAKING-NEWS ஆதார் அடையாள அட்டை செல்லும் - உச்சநீதிமன்றம்
  • BREAKING-NEWS தமிழகம், புதுச்சேரியில் செப்டம்பர் 28 முதல் 30ம் தேதி வரை கனமழை முதல் மிக கனமழை பெய்ய வாய்ப்பு- இந்திய வானிலை ஆய்வு மையம்
  • BREAKING-NEWS சென்னையில் பெட்ரோல் லிட்டருக்கு ரூ.86.13 காசுகளாகவும், டீசல் லிட்டருக்கு ரூ.78.36 காசுகளாகவும் விலை நிர்ணயம்
  • BREAKING-NEWS இந்திய கிரிக்கெட் அணி கேப்டன் விராட் கோலிக்கு ராஜீவ் காந்தி கேல் ரத்னா விருது வழங்கப்பட்டது
  • BREAKING-NEWS சிலை கடத்தல் வழக்குகளை விசாரிக்க சிபிஐ மறுத்தது குறித்து பதிலளிக்க தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS விநாயகர் சிலை ஊர்வலத்தில் பேசியதை நீதிமன்றம் தாமாக முன் வந்து விசாரிக்க ஹெச்.ராஜா எதிர்ப்பு

நிபா வைரஸைத் தொடர்ந்து கேரளாவை மிரட்டும் ஷிகெல்லா

suspected-new-bacteria-kills-4-in-kerala

கேரளாவில் கடந்த மே மாதத்தில் கண்டறியப்பட்ட நிபா வைரஸ் தொற்று  தாக்குதலுக்கு 17 பலியாகினர். பின்னர் கடுமையான முயற்சிகளுக்குப் பின்னர் ஜூன் முதல் வாரத்துக்குள்ளாக அது கட்டுப்படுத்தப்பட்டது. ஆனால் அதற்காக கேரள மக்கள் நிம்மதிப் பெருமூச்சு விடுவதற்குள்ளாகவே அங்கு ஷிகெல்லா பாக்டீரியாவின் பாதிப்புகள் அறியப்பட்டு உள்ளன.

ஷிகெல்லா பாக்டீரியத் தொற்றினால் பாதிக்கப்பட்டு கேரளாவின் கோழிக்கோடு மருத்துவமனையில் சிகிச்சை பெற்றுவந்த 2 வயதுக் குழந்தை ஜியான் கடந்த 22ஆம் தேதி உயிரிழந்தார். கடந்த ஜூன் மாதத்தில் இதே கோழிக்கோட்டில் இருவரும், திருவனந்தபுரத்தில் ஒருவருமாக 3 பேர் ஷிகெல்லா பாதிப்புக்கு உயிரிழந்த நிலையில் ஜியானின் உயிரிழப்பு பாக்டீரியா தாக்குதலின் தீவிரத்தை உணர்த்தி உள்ளது.

                                       

ஷிகெல்லா பாக்டீரியா தூய்மையற்ற உணவு, அசுத்தமான நீர் ஆகியவற்றின் மூலமாகவும், பாதிக்கப்பட்டவர்களிடமிருந்து தொற்று நோயாகவும் பரவக் கூடியது. மனித உடலுக்குள் செல்லும் இந்த பாக்டீரியா வளர்ச்சி அடைய ஒரு வாரம் தேவைப்படும், அதுவரை பிரச்னை பெரிதாகத் தெரியாது. பின்னர் காய்ச்சலையும், வயிற்று வலியையும், கடுமையான வயிற்றுப் போக்கையும் ஷிகெல்லா பாக்டீரியா ஏற்படுத்தும்.

உலகில் பெரும்பான்மையான வயிற்றுப் போக்குப் பாதிப்புகளுக்கு இந்த பாக்டீரியாவே காரணமாக உள்ளது, 5 வயதுக்கு உட்பட்ட குழந்தைகளை ஷிகெல்லா பாக்டீரியா தாக்கும்போது, அது உயிரிழப்பில் போய் முடிகின்றது. தூய்மையும் கவனமுமே இந்த பாக்டீரியாவின் பாதிப்பில் இருந்து பாதுகாக்கும். கேரளாவில் இப்போது பருவமழைக் காலம், அதனால் நோய் பரவும் வாய்ப்புகள் மிக அதிகமாக உள்ளது ஒரு பெரும் சவாலாக மாறியிருக்கிறது. 

Advertisement:
Advertisement:
Advertisement:
[X] Close