[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

வைரல் ஆன சிறுவனின் வீடியோ.. களத்தில் இறங்கிய குமாரசாமி..!

hd-kumarasamy-travels-to-kodagu-meets-boy-who-made-viral-video-highlighting-plight-of-district

கர்நாடகாவை சேர்ந்த 8-ஆம் வகுப்பு மாணவர் ஒருவர் தனது பகுதியில் நிலவும் பிரச்னைகள் குறித்து வீடியோ வெளியிட்டிருந்தார். இந்த வீடியோ வைரல் ஆனதை தொடர்ந்து பாதிக்கப்பட்ட இடங்களுக்கு முதலமைச்சர் குமாராசாமி நேரில் சென்றுள்ளார்.

கர்நாடகா மாநிலம் குடகு பகுதியில் தொடர்ச்சியாக பெய்து வரும் கனமழை காரணமாக அப்பகுதி முழுவதும் நீரால் சூழ்ந்துள்ளது. பல இடங்களில் நீர் தேங்கியுள்ளதால் பொதுமக்களின் இயல்பு நிலை பாதிக்கப்பட்டுள்ளது. ஆனால் அதிகாரிகள் இதுவரை எந்த நடவடிக்கையும் எடுக்கவில்லை. எனவே அப்பகுதியை சேர்ந்த 8-ஆம் வகுப்பு மாணவரான கலேரா ஃபதே என்பவர், அதனை வீடியோவாக பதிவு செய்ததோடு, தங்கள் பகுதியில் நிலவும் பிரச்னை குறித்தும் வீடியோவில் விளக்கமாக பேசியிருந்தார். தங்கள் பகுதிக்கு மட்டும் முதலமைச்சர் குமாரசாமி அநீதி இழைப்பதாகவும் குற்றஞ்சாட்டியிருந்தார். இந்த வீடியோவை பலரும் ஷேர் செய்த நிலையில் சமூக வலைதளங்களில் வீடியோ வைரலானது. அதுமட்டுமில்லாமல் முதலமைச்சரின் கவனத்திற்கும் சென்றது.

அதனடிப்படையில், குடகு பகுதிக்கு சென்ற முதலமைச்சர் குமாரசாமி பாதிக்கப்பட்ட இடங்களை பார்வையிட்டதோடு, அந்த மாணவரையும் சந்தித்தார். அப்போது குடகு பகுதிக்கு வந்தமைக்காக குமாரசாமிக்கு அம்மாணவர் தனது நன்றியினை தெரிவித்தார். இதற்கு முன் இருந்த முதலமைச்சர்கள் எல்லோரும் குடகு பகுதிக்கு வர மறந்துவிட்டதாகவும், நீங்கள் வந்ததற்கு நன்றி என்றும் முதலமைச்சர் குமாரசாமியிடம் அம்மாணவர் கூறினார். இதனிடையே அந்த வீடியோ வெளியாகவில்லை என்றாலும் கூட, அப்பகுதிக்கு நான் சென்றிருப்பேன் என குமாரசாமி தெரிவித்துள்ளார்.

குடகு பகுதியில் ஜூனியர் கல்லூரி திறக்க வேண்டும் எனவும் முதலமைச்சர் குமாரசாமியிடம் கலேரா ஃபதே வலியுறுத்தியிருந்தார். இது குறித்து பேசியுள்ள பொதுப்பணித் துறை அமைச்சர், மாணவரின் கோரிக்கை ஒரு வருடத்திற்குள் பூர்த்தி செய்யப்படும் என கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close