[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

சொன்னது போலவே நடந்தது: பிரபல தாதா சிறைக்குள் சுட்டுக் கொலை!

gangster-munna-bajrangi-shot-dead-in-uttar-pradesh-jail

பிரபல தாதா சிறைக்குள் சுட்டுக்கொல்லப்பட்ட சம்பவம் பரபரப்பை ஏற்படுத்தியுள்ளது. 

உத்தரபிரதேசத்தைச் சேர்ந்தவர் முன்னா பஜ்ரங்கி. தாதாவான இவர் மீது கொலை, கொள்ளை, தொழிலதிபர்களை மிரட்டி பணம் பறிப்பது உட்பட ஏராளமான வழக்குள் உள்ளன. பாஜக எம்.எல்.ஏ கிருஷ்ணானந்த் ராய் என்பவரை கொன்றது உட்பட 40 கொலை வழக்குகள் இவர் மீது உள்ளன.

தலைமறைவாக இருந்த இவரை பற்றிய தகவல் தெரிவித்தால் ரூ. 7 லட்சம் பரிசு வழங்கப்படும் என்று அறிவிக்கப்பட்டிருந்தது. கடந்த 2009-ம் ஆண்டு, தொழிலதிபர் ஒருவரை ஒரு கோடி கேட்டு மிரட்டிய வழக்கில் டெல்லியில் வைத்து சுற்றி வளைத்து கைது செய்யப்பட்டார் பஜ்ரங்கி. பின்னர் உத்தரபிரதேச மாநிலம் ஜான்சி சிறையில் அடைக்கப்பட்டார். சிறையில் இருந்தபடியே 2012 ஆம் ஆண்டு சட்டப்பேரவை தேர்தலில் போட்டியிட்டுத் தோல்வியடைந்தார். பின்னர் அங்கிருந்தே தமது தாதா வேலையை கச்சிதமாகச் செயல்படுத்தி வந்ததாகக் கூறப்படுகிறது. 

இந்நிலையில், ’சிறப்பு படை போலீசார், போலி என்கவுன்டரில் என் கணவரைக் கொல்ல திட்டமிட்டுள்ளனர். சிறைக்குள்ளேயே அவரைத் தீர்த்துக்கட்ட சதிதிட்டம் தீட்டப்பட்டுள்ளது. இதை முதல்வர் யோகி ஆதியாநாத் கவனத்தில் கொள்ளவேண்டும்’ என்று பஜ்ரங்கியின் மனைவி சீமா சிங் கடந்த மாதம் 29 ஆம் தேதி செய்தியாளர்களிடம் தெரிவித்திருந்தார். அவர் சொன்னது போலவே, சிறைக்குள் பஜ்ரங்கியை இன்று சுட்டுக்கொல்லப்பட்டுள்ளார்.

போலீசார் கூறும்போது, ‘பாக்பத் மாவட்ட நீதிமன்றத்தில் நடக்கும் வழக்கு ஒன்றில், பஜ்ரங்கியை இன்று ஆஜர்படுத்த வேண்டும். அதற்காக, ஜான்சி சிறையில் இருந்து பாக்பத் சிறைக்கு நேற்று இரவு 9.30 அளவில் அவரை கொண்டு வந்தோம். சுனில் ரதி என்கிற ரவுடி அடைக்கப் பட்டிருந்த செல்லில் இவரையும் அடைத்தோம். இன்று அதிகாலை 5.30 மணியளவில் கைதிகளுக்கு டீ கொடுத்துக்கொண்டிருந்த போது, மறைத்து வைத்திருந்த துப்பாக்கியால் பஜ்ரங்கியை, சுனில் சுட்டுக்கொன்றுள்ளார். இதுபற்றி விசாரித்து வருகிறோம்’ என்று கூறியுள் ளனர்.

இதையடுத்து சிறை வார்டன் இடைநீக்கம் செய்யப்பட்டுள்ளார். நீதி விசாரணைக்கு  முதலமைச்சர் யோகி ஆதித்யாநாத் உத்தரவிட்டுள்ளார். ‘சிறைக்குள் நடந்த இதுபோன்ற அசம்பாவித சம்பவங்கள் ஏற்றுக்கொள்ள முடியாது. விசாரணையின் அடிப்படையில் சம்பந்தப்பட்டவர்கள் மீது கடும் நடவடிக்கை எடுக்கப்படும்’ என்று அவர் தெரிவித்துள்ளார்.

இந்தச் சம்பவம் அங்கு பெரும் பரபரப்பை ஏற்படுத்தியுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close