[X] Close
JUST IN
  • BREAKING-NEWS இந்திய கிரிக்கெட் அணி கேப்டன் விராட் கோலிக்கு ராஜீவ் காந்தி கேல் ரத்னா விருது வழங்கப்பட்டது
  • BREAKING-NEWS ஆதார் செல்லுமா ? செல்லாதா ? என்பது குறித்து உச்சநீதிமன்ற அரசியல் சாசன அமர்வு நாளை தீர்ப்பளிக்கிறது
  • BREAKING-NEWS சிலை கடத்தல் வழக்குகளை விசாரிக்க சிபிஐ மறுத்தது குறித்து பதிலளிக்க தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS விநாயகர் சிலை ஊர்வலத்தில் பேசியதை நீதிமன்றம் தாமாக முன் வந்து விசாரிக்க ஹெச்.ராஜா எதிர்ப்பு
  • BREAKING-NEWS தேனி மாவட்டம் பெரியகுளம் அருகே உள்ள கும்பக்கரை அருவியில் குளிக்க சுற்றுலா பயணிகளுக்கு அனுமதி
  • BREAKING-NEWS உலகின் சிறந்த கால்பந்து வீரராக லூகா மோட்ரிச் தேர்வு
  • BREAKING-NEWS சென்னையில் பெட்ரோல் லிட்டருக்கு ரூ.86.13 காசுகளாகவும், டீசல் லிட்டருக்கு ரூ.78.36 காசுகளாகவும் விலை நிர்யம்

பாலியல் துன்புறுத்தல் கொடுத்து வீடியோ வெளியிட்ட கொடூரம்..!

three-men-molest-woman-in-uttar-pradesh-s-unnao-another-man-films-it

இளம்பெண் ஒருவரை மூன்று இளைஞர்கள் வலுக்கட்டாயமாக காட்டுக்குள் இழுத்துச் சென்று பாலியல் தொல்லை கொடுக்கும் சம்பவம் அதிர்ச்சியை ஏற்படுத்தியுள்ளது.

ஜம்மு காஷ்மீரின் கத்துவா மாவட்டத்தில் கடந்த ஜனவரியில் 8 வயது சிறுமி பாலியல் வன்கொடுமைக்கு உள்ளாக்கப்பட்டு, கொலை செய்யப்பட்ட சம்பவம் நாடு முழுவதும் பெரும் அதிர்வலைகளை ஏற்படுத்தியது. பாலியல் குற்றவாளிகளுக்கு தண்டனைகள் கடுமையாக்கப்பட்ட போதிலும், அதனை தடுக்க அரசு பலகட்ட முயற்சி எடுத்தாலும் பாலியல் துன்புறுத்தல் மற்றும் அதுதொடர்பான குற்றங்கள் குறைந்தபாடில்லை. உத்தரப் பிரதேசத்தில் இளம்பெண் ஒருவருக்கு கும்பல் ஒன்று பாலியல் துன்புறுத்தல் கொடுக்கும் வீடியோ சமூக வலைதளங்களில் வைரலாக பரவி வருகிறது.

வீடியோவில், இளம்பெண் ஒருவரை மூன்று இளைஞர்கள் தரதரவென்று வலுக்கட்டாயமாக காட்டிற்குள் இழுத்துச் செல்கின்றனர். அந்தப்பெண் என்னை விட்டுவிடுங்கள் என கதறியபோதும் அந்த இளைஞர்கள் இளம்பெண்ணை விடவில்லை. தொடர்ச்சியாக அந்தப் பெண்ணிடம் தவறாக நடக்கின்றனர். அத்தோடு அந்த இளம்பெண்ணை தாக்கவும் செய்கின்றனர். ஆனால் இந்த இளம்பெண்ணோ தயவுசெய்து என்னை விட்விடுங்கள் என தொடர்ச்சியாக கதறுகிறார். நான்காவது நிற்கும் நபர், நடப்பவற்றை வீடியோவாக பதிவு செய்கிறார். இதனை சமூகவலைதளங்களில் வைரல் ஆக்குவோம் என்றும் அந்த இளைஞர்கள் கூறுகின்றனர். வீடியோவில் தங்களது முகத்தை மறைக்காமல், எந்தவித பயமும் கொள்ளாமல் இளைஞர்கள் இந்த கொடூர செயலில் ஈடுபடுகின்றனர்.

இந்த சம்பவம் தொடர்பாக இதுவரை ராகுல், ஆகாஷ் ஆகிய இருவரை போலீசார் கைது செய்துள்ளனர். மற்றவர்களை போலீசார் வலைவீசி தேடிவருகின்றனர். இந்த சம்பவம் தொடர்பாக போலீஸ் அதிகாரி அனூப் சிங் கூறும்போது, “ இளம்பெண் ஒருவருக்கு மூன்று இளைஞர்கள் பாலியல் துன்புறுத்தல் கொடுக்கும் வீடியோ எங்களுக்கு கிடைத்துள்ளது. தற்போது வீடியோவின் மூல ஆதாரத்தை கண்டுபிடிக்க முயற்சி செய்து வருகிறோம். குற்றவாளிகளை கண்டுபிடிக்கும்போது கடுமையான நடவடிக்கை மேற்கொள்ளப்படும்” என்றார். உத்தரப்பிரதேச மாநிலத்தின் உன்னவ் என்ற இடத்தில்தான் இந்த கொடூர சம்பவம் நடைபெற்றுள்ளது.

கடந்த மாதம் இதே பகுதியில் 9 வயது சிறுமி 25 இளைஞர் ஒருவரால் பாலியல் வன்கொடுமைக்கு உள்ளாக்கப்பட்டார். ஒருமாதம் முடிவடைவதற்குள் அதேபகுதியில் தற்போதும் ஒரு கொடூர சம்பவம் அரங்கேறியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close