[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

தனி ஒருவனாய் துணிச்சலாக செயல்பட்ட போலீஸ்: ‘ஹனிமூன் பேக்கேஜ்’கொடுத்து பாராட்டு..!

constable-arrests-robber-wins-honeymoon-trip

தனி ஆளாய் நின்று துணிச்சலாக மொபைல் திருடர்களை தூரத்தி பிடித்த போலீசாருக்கு பாராட்டுடன் ஹனிமூன் டூர் பேக்கேஜ் வசதியும் செய்து கொடுக்கப்பட்டுள்ளது.

பெங்களூரை சேர்ந்த போலீஸ் கான்ஸ்டபிள் ஹனுமந்த். கடந்த வியாழக்கிழமை சர்ஜாபுர் சாலை அருகே உள்ள பிக் பஜார் பக்கத்தில் இரவுநேர பணியில் ஈடுபட்டிருந்தார். அப்போது நள்ளிரவு நேரத்தில் திடீரென ‘திருடன்’ ‘ திருடன் ’ என சத்தம் கேட்டிருக்கிறது. உடனே சுதாகரித்துக் கொண்ட ஹனுமந்த், நடந்த விஷயத்தை நொடிப்பொழுதில் புரிந்து கொண்டார். இருசக்கர வாகனத்தில் வந்த மர்ம நபர்கள் சிலர் ஒருவரின் மொபைல் போனை பிடுங்கிக் கொண்டு வேகமாக சென்றதை ஹனுமந்த் கண்டு சுதாரித்தார். உடனே நொடி பொழுதும் தாமதிக்காமல் தனது இருசக்கர வாகனத்தை எடுத்துக் கொண்டு வேகமாக கொள்ளையர்களை தூரத்திச் சென்றார் ஹனுமந்த். சுமார் 4 கி.மீ வேக பயணத்திற்கு பின் அருண் குமார் என்ற கொள்ளையனை மடக்கிப் பிடித்ததோடு அவரிடம் இருந்த மொபைல் போனையும் கைப்பற்றினார். ஆனால் அருண்குமாருடன் வந்த மற்றவர்கள் தப்பிச் சென்றுவிட்னர். யாரின் உதவியையும் எதிர்பார்க்காமல் துணிவாக சென்று கொள்ளையனை பிடித்தபோது ஹனுமந்திற்கு காயமும் ஏற்பட்டுள்ளது. தற்போது மருத்துவமனையில் அனுமதிக்கப்பட்டுள்ள அவர் சிகிச்சை பெற்று வருகிறார்.

இதுகுறித்து போலீஸ் ஆய்வாளர் கூறும்போது, “ ஹனுமந்திற்கு இன்னும் கைகள், முட்டி என பல இடங்களில் காயம் இருக்கிறது. தைரியத்திற்கு  ஹனுமந்த் ஒரு உதாரணம். தனக்கு காயம் ஏற்பட்ட போதும் பல கி.மீ தூரம் தூரத்திச் சென்று கொள்ளையனை அசால்டாக பிடித்துள்ளார். இதுபோன்று தைரியமான, துணிச்சலான போலீசாரை ஊக்கப்படுத்துவது அவசியம். அவரின் துணிச்சலே கொள்ளையன் பிடிபடுவதற்கு காரணம். துறையில் இதுபோன்று ஒரு சிலர்தான் மிகவும் தைரியத்துடன் செயல்படுகின்றனர்” என்றார். தற்போது அருண் போலீஸ் காவலில் வைக்கப்பட்டுள்ளார். தலைமறைவான மற்றவர்களை போலீசார் தேடி வருகின்றனர்.

ஹனுமந்தின் துணிச்சலான செயலை பாராட்டி அவருக்கு 10,000 ரூபாய் பரிசுடன் 25,000 ரூபாய் மதிப்பிலான ஹனிமூன் பேக்கேஜ் வசதியையும் பெங்களூரு போலீசார் செய்து கொடுத்துள்ளனர். கடந்த நவம்பர் மாதம்தான் ஹனுமந்திற்கு திருமணம் நடைபெற்றுள்ளது. எனவே தாமதமாக அவர் கேரளாவிற்கு ஹனிமூன் செல்ல உள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close