[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.80.42 காசுகளாகவும், டீசல் லிட்டருக்கு ரூ.76.30 காசுகளாகவும் விலை நிர்ணயம்
  • BREAKING-NEWS ஆறுமுகசாமி ஆணையத்தின் விசாரணைக்கு உதவும் வகையில் காவல் ஆய்வாளரை நியமிக்க அரசு ஒப்புதல்
  • BREAKING-NEWS இலங்கை நாடாளுமன்றம் ஏற்கனவே அறிவித்தபடி நாளை காலை 10 மணிக்கு கூடுகிறது
  • BREAKING-NEWS இலங்கை நாடாளுமன்றம் கலைக்கப்பட்டதற்கு இடைக்கால தடை விதித்தது இலங்கை உச்சநீதிமன்றம்
  • BREAKING-NEWS கூவம், அடையாறு ஆற்றை பராமரிப்பு செய்யாத வழக்கில் அரசுக்கு விதித்த ரூ.2 கோடி அபராதத்துக்கு தடை
  • BREAKING-NEWS வைகை அணையில் இருந்து பாசனத்திற்காக நவ.23ம் தேதி முதல் 24ம் தேதிவரை தண்ணீர் திறக்க முதல்வர் உத்தரவு
  • BREAKING-NEWS சபரிமலையில் அனைத்து வயது பெண்களை அனுமதிக்கும் வழக்கை மீண்டும் விசாரிக்க உச்சநீதிமன்றம் முடிவு

இதற்காகத்தான் பெண்கள் பிறந்தோமா? - கொந்தளித்த மிதாலி ராஜ்

mithali-raj-condemned-for-madhya-pradesh-child-harassment

மத்தியப் பிரதேசத்தில் சிறுமி பாலியல் வன்கொடுமை செய்யப்பட்ட சம்பவத்திற்கு இந்திய கிரிக்கெட் வீராங்கனை மிதாலி ராஜ் ஆதங்கம் தெரிவித்துள்ளார்.

மத்தியப் பிரதேசத்தை சேர்ந்த 8 வயது சிறுமி, கடந்த ஜூன் 26-ம் தேதி பள்ளிக்கு சென்று வீடு திரும்பவில்லை. குழந்தையை காணாமல் பரிதவித்த பெற்றோர்கள், பல இடங்களில் தேடினர். பின்னர் காவல்துறையினருக்கு தகவல் தெரிவிக்க, முட்புதர் ஒன்றில் மயங்கிய நிலையில் கிடந்த சிறுமியை காவலர்கள் கண்டுபிடித்தனர். சிறுமியின் கழுத்து அறுக்கப்பட்ட நிலையில் இருந்தது. உடனே மருத்துவமனையில் சிறுமி சேர்க்கப்பட்டு, அவருக்கு சிகிச்சை அளிக்கப்பட்டது. மருத்துவ சிகிச்சையின் போது சிறுமி பாலியல் வன்கொடுமை செய்யப்பட்டிருப்பதும் தெரியவந்தது.

இதையடுத்து மேற்கொள்ளப்பட்ட விசாரணையில் குழந்தையை கடத்தி பாலியல் வன்கொடுமை செய்துவிட்டு, வெளியே சொல்லக்கூடாது என்பதற்காக கழுத்தை அறுத்த கொடூரன் இர்பான் என்பது கண்டுபிடிக்கப்பட்டது. தினக் கூலியாக பணியாற்றி வந்த இர்பானை காவல்துறையினர் கைது செய்தனர். சிறுமி தற்போது ஆபத்தான நிலையை கடந்து சிகிச்சை பெற்று வருகிறார். இந்த சம்பவத்திற்கு பல அரசியல் தலைவர்களும், பிரபலங்களும் கண்டனம் தெரிவித்துள்ளனர். குற்றவாளியை சாகும் வரையில் தூக்கிலிட வேண்டும் என மத்திய பிரதேச முதலமைச்சர் ஷிவ்ராஜ் சிங் சவுகான் தெரிவித்துள்ளார். 

இந்நிலையில் மத்தியப் பிரதேச சிறுமிக்கு நேர்ந்த கொடுமை குறித்து ட்விட்டரில் கருத்து தெரிவித்துள்ள மிதாலி ராஜ், “நாள்தோறும் ஒரு குழந்தை, பெண் பாலியல் வன்கொடுமைக்கு ஆளாக்கப்படுவதை பார்க்கும்போது வலிக்கிறது. இதற்காகத்தான் நாங்கள் பிறந்தோமா? இதற்காகத்தான் பெண் குழந்தைகளை பெற்றெடுக்கிறோமா? இது தான் வளர்ச்சியடைந்த ஆண்-பெண் விகிதாச்சாரமா?” என கேள்விகளை எழுப்பி ஆதங்கத்தை வெளிப்படுத்தியுள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close