[X] Close
JUST IN
  • BREAKING-NEWS டிடிவி தினகரனுக்கு குக்கர் சின்னம் தர முடியாது என உச்சநீதிமன்றத்தில் தலைமை தேர்தல் ஆணையம் பிரமாணப் பத்திரம் தாக்கல்
  • BREAKING-NEWS நயன்தாரா குறித்து சர்ச்சைக்குரிய வகையில் பேசிய நடிகர் ராதாரவிக்கு தயாரிப்பாளர்கள் சங்கம் கண்டனம்
  • BREAKING-NEWS பயங்கரவாதிகளை வேரோடு, கூண்டோடு அழிக்கக்கூடிய சக்தி நரேந்திர மோடிக்குத்தான் இருக்கிறது - சென்னை ராயபுரத்தில் முதல்வர் பழனிசாமி பரப்புரை
  • BREAKING-NEWS மேற்கு வங்க முதல்வர் மம்தா பானர்ஜியுடன் மக்கள் நீதி மய்யம் கட்சி தலைவர் கமல்ஹாசன் சந்திப்பு
  • BREAKING-NEWS வேட்பு மனுவில் ஓபிஎஸ்-ஈபிஎஸ் கையெழுத்திடுவதற்கு எதிரான வழக்கில் தேதி குறிப்பிடாமல் தீர்ப்பு ஒத்திவைப்பு
  • BREAKING-NEWS சர்ச்சைக்குரிய வகையில் பேசிய நடிகர் ராதாரவியை கட்சியை விட்டு நீக்கிய மு.க.ஸ்டாலினுக்கு நயன்தாரா நன்றி
  • BREAKING-NEWS அமமுகவுக்கு குக்கர் சின்னம் கிடைக்காவிட்டால் வேறு சின்னத்தில் சுயேச்சையாக போட்டியிடுவோம் - டிடிவி தினகரன்

சர்ஜிக்கல் ஸ்ட்ரைக் வீடியோவை வெளியிட்ட இந்தியா ! காங்கிரஸ் கண்டனம்

surgical-strike-video-opponents-lash-government

 

சர்ஜிக்கல் ஸ்ட்ரைக் காட்சிகளை அரசு வெளியிட்டுள்ள நிலையில் இதற்கு காங்கிரஸ் கட்சி கண்டனம் தெரிவித்துள்ளது. 

காஷ்மீரின் உரி பகுதியில் ஊடுருவிய பயங்கரவாதிகள், திடீரென தாக்குதல் ந‌டத்தியதில் 17 வீரர்கள் உயிரிழந்தனர். இதற்கு தக்க பதிலடி கொடுக்கப்படும் என பிரதமர் நரேந்திர மோடி எச்சரித்ததை தொடர்ந்து, கடந்த 2016 ஆம் ஆண்டு செப்டம்பர் 28 ஆம் தேதி இரவு பாகிஸ்தான் ஆக்கிரமிப்பு காஷ்மீர் பகுதியில் சிறப்பு படை வீரர்‌கள் புகுந்து துல்லிய தாக்குதல் நடத்தினர். இந்தத் தாக்குதலில் அங்கிருந்த 7 பயங்கரவாத முகாம்களை இந்திய ராணுவம் அழித்துவிட்டு, வெற்றிகரமாக திரும்பியதாகவும் கூறப்பட்டது. ஆனால், பாகிஸ்தான் இதனை மறுத்தது. எல்லை தாண்டி வந்து‌ தனது மண்ணில் இந்திய ராணுவம் தாக்குதல் நடத்தியதாகவும், இதில் பாகிஸ்தான் வீரர்கள் இருவர் கொல்லப்பட்டதாகவும் குற்றம்சாட்டியிருந்தது. 

இந்நிலையில், துல்லியத் தாக்குதல் நடந்து ‌636 நாட்களுக்குப் பின் அதற்கான ஆதாரங்கள் அடங்கிய காணொலியை இந்திய ராணுவம் வெளியிட்டுள்ளது. துருவ் ஹெலிகாப்டர் மூலம் சென்று, பாரசூட் மூலம் குதித்த சிறப்புப் படை வீரர்கள், பாகிஸ்தான் ஆக்கிரமிப்பு காஷ்மீரில் இருந்த 4 இலக்குகளை குறிவைத்து தாக்குதல் நடத்தும் காட்சிகள் அந்த காணொலியில் இடம்பெற்றுள்ளது. வீரர்களின் தலைகவசத்தில் இருந்த கேமரா மூலம் இந்த காட்சிகள் படம்பிடிக்கப்பட்டுள்ளன.


சர்ஜிக்கல் ஸ்ட்ரைக் காட்சிகளை அரசு வெளியிட்டுள்ள நிலையில் இதற்கு காங்கிரஸ் கட்சி கண்டனம் தெரிவித்துள்ளது. நாட்டுக்காக நமது ராணுவ வீரர்கள் ரத்தம் சிந்தி நடத்திய ஒரு தாக்குதலை மத்திய அரசு அரசியல் ஆதாயங்களுக்காக பயன்படுத்துவதாக காங்கிரஸ் செய்தித் தொடர்பாளர் ரந்தீப் சுர்ஜேவாலா குற்றஞ்சாட்டியுள்ளார். ராணுவத்தினரின் தீரங்களை தெரிவித்து ஆதாயம் பெறும் பாஜக அரசு பாகிஸ்தானுடன் உள்ள பிரச்னையை தீர்க்க இயலாமல் திணறி வருவதாகவும் சுர்ஜேவாலா தெரிவித்தார். முன்னாள் பிரதமர் வாஜ்பாய் மற்றும் மன்மோகன் சிங் ஆகியோர் அரசியல் வெற்றிக்கு ராணுவ வெற்றியைப் பயன்படுத்தவில்லை என்றார்.மோடி அரசு தோல்வி அடைந்த போது அவர்களின் அரசியல் நலனுக்காக இராணுவத்தின் வீராத்தை தவறாக பயன்படுத்துகின்றனர் என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close