[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

அதற்கெல்லாம் ஆதார் தகவல்களை கொடுக்க முடியாது - தனிநபர் அடையாள ஆணையம் காட்டம்

aadhaar-biometric-data-cannot-be-used-for-criminal-investigations-uidai

கிரிமினல் விசாரணைகளுக்கெல்லாம் ஆதார் தகவல்களை பயன்படுத்த முடியாது என்று தேசிய தனிநபர் அடையாள ஆணையம் தெரிவித்துள்ளது.

மத்திய அரசின் நலத்திட்டங்களை பெற ஆதார் எண் கட்டாயம் என மத்திய அரசு கடந்த ஆண்டு அறிவித்திருந்தது. மத்திய அரசின் இந்த முடிக்கு எதிராக உச்சநீதிமன்றத்தில் தொடரப்பட்ட வழக்குகளில் விசாரணை முடிவடைந்து, தீர்ப்பு ஒத்திவைக்கப்பட்டுள்ளது. வழக்கு நிலுவையில் இருந்த போதும், சிம் கார்டு வாங்குவதில் இருந்து அன்றாட வாழ்வின் பல்வேறு விவகாரங்களில் ஆதார் இன்றியமையாத ஒன்றாக மாறிவிட்டது. வேலைக்கு செல்லும் இடத்தில் கூட ஆதார் எண்ணை கட்டாய கேட்டு வாங்குகிறார்கள்.

                            

இந்நிலையில், தேசிய குற்றவியல் ஆவண காப்பகம் ஆதாரை நிர்வகிக்கும் தேசிய தனிநபர் அடையாள ஆணையத்திடம் சில தகவல்களை கேட்டுள்ளது. ஆனால், ஆதார் ஆணையம் அதனை கொடுக்க மறுத்துவிட்டதாக கூறப்படுகிறது. இதனையடுத்து, ஆதார் ஆணையத்தின் மீது தேசிய குற்றவியல் ஆவண காப்பகம் கடுமையான விமர்சனத்தை முன் வைத்தது. முதல் முறையாக குற்றம் செய்பவர்களை கண்டுபிடிக்கவும், அடையாளம் தெரியாதவர்களின் சடலங்களை கண்டறியவும் போதிய தகவல்களை ஆதார் ஆணையம் அளிப்பதில்லை என்று கடுமையாக சாடியது. 

                             

இந்நிலையில், ஆதார் பயோ மெட்ரிக்கில் உள்ள தகவல்களை குற்றவியல் விசாரணைகளுக்கு பயன்படுத்த முடியாது என்று தேசிய தனிநபர் அடையாள ஆணையம் கூறியுள்ளது. ஆதார் சட்டப்படி அதற்கு அனுமதி கிடையாது என்றும் தெரிவித்துள்ளது. 

Advertisement:
Advertisement:
Advertisement:
[X] Close