[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

ஆட்டோ கட்டணம் அளிக்காததால் அடித்துக்கொலை

auto-driver-allegedly-beats-man-to-death

மகாராஷ்ட்ரா மாநிலம் புனே பகுதியில் ஒருவர் பலத்த காயங்களுடன் சாலையில் கிடப்பதாக காவல்துறைக்கு தகவல் தெரிவிக்கப்பட்டது. இதனையடுத்து அப்பகுதிக்கு வந்த காவல்துறையினர் அந்த நபரை மீட்டு சிகிச்சைக்காக  மருத்துவமனையில் அனுமதித்தனர். ஆனால் அவர் மரணமடைந்து விட்டதாக மருத்துவர்கள் தெரிவித்துள்ளார். இதனையடுத்து வழக்குப்பதிவு செய்த காவல்துறையினர் விசாரணை மேற்கொண்டனர். ஆதார் அட்டை மூலம் அவர் லதூர் மாவட்டத்தை சேர்ந்த தனாஜி கோர்கே (Tanaji Korke) என்பது தெரியவந்தது. இதனையடுத்து அவரது குடும்பத்தினருக்கு தகவல் தெரிவித்தனர். 


கோர்கேவை படுகாயங்களுடன் மீட்கப்பட்ட பகுதியில் உள்ள சிசிடிவி கேமராவை காவல்துறையினர் ஆய்வு செய்தனர். அதில் ஒரு ஓட்டோவில் இருந்து இறங்கும் கோர்கேவை அதில் வந்தவர்கள் கடுமையாக தாக்குகின்றனர். இந்தத் தாக்குதலில் நிலைக்குலைந்த கோர்கே சாலையில் விழுகிறார். அவர் மீது தொடர்ந்து தாக்குதலில் ஈடுபட்ட இருவர் அங்கிருந்து ஆட்டோவில் கிளம்புவதும் அதில் பதிவாகி இருந்தது. இதனையடுத்து விசாரணையை தீவிரப்படுத்திய காவல்துறையினர் ஆட்டோவின் பதிவெண் கொண்டு அதன் உரிமையாளர் குறித்த விவரங்களை சேகரித்தனர். இதனையடுத்து ஆட்டோ உரிமையாளரான அதுல் ஹட்கரை காவல்துறையினர் கைது செய்து விசாரணை மேற்கொண்டனர்.

விசாரணையில் கோர்கேவை தாக்கியதை அவர் ஒப்புக்கொண்டார். அதுலின் ஆட்டோவில் கோர்கே பயணித்துள்ளார். இறங்கும் போது அதுல் கேட்ட கட்டணத்தை தராமல் கொஞ்சம் குறைவாக கொடுத்துள்ளார்.இதனால் இருவருக்கும் இடையே வாக்குவாதம் ஏற்பட்டுள்ளது. ஒரு கட்டத்தில் பொறுமை இழந்த அதுல் தனது நண்பருடன் சேர்ந்து  கோர்கேவை கடுமையாக தாக்கி ஆட்டோவில் இருந்து கீழே தள்ளியுள்ளனர். பின்னர் இவர்கள் அங்கிருந்து புறப்பட்டு விட்டனர். இதனையடுத்து இருவர் மீது வழக்குப்பதிவு செய்த காவல்துறையினர் கைது செய்து செய்து சிறையில் அடைத்தனர்.
 

Advertisement:
Advertisement:
Advertisement:
[X] Close