[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

“பிரசவகால உயிரிழப்பில் இருந்து ஒவ்வொரு நாளும் 30 பெண்கள் பாதுகாக்கப்படுகிறார்கள்”

every-day-30-more-pregnant-women-are-now-being-saved-in-india-when-compared-to-2013

இந்தியாவில் பிரசவகால பெண்களின் இறப்பு விகிதம் குறைந்துள்ளதாக யுனிசெப் அமைப்புக்கான இந்திய பிரதிநிதி கூறியுள்ளார். இதுகுறித்து இந்திய பிரதிநிதி யாஸ்மின் அலி ஹேக் கூறுகையில், “பிரசவகால பெண்களின் இறப்பு விகிதத்தை குறைப்பதில் இந்தியா குறிப்பிடும்படியான முன்னேற்றம் அடைந்துள்ளது” என்றார். 

இந்தியாவில் ஒவ்வொரு 5 ஆண்டுகளுக்கும் நாடு முழுவதும் நிகழும் பிரசவ கால இறப்புகள், சிசு மரணங்கள் குறித்து கணக்கெடுப்பு நடத்தப்படும். இறப்பிற்கான காரணம், தடுப்பூசிகள் குறிப்பிட்ட கால இடைவெளியில் போட்டுள்ளனரா, கிராம செவிலியர்கள் கண்காணிப்பு செய்துள்ளனரா என்பது போன்ற தகவல்கள் இந்தக் கணக்கெடுப்பின் போது சேகரிக்கப்படுகிறது. தற்போது, 2011 முதல் 2016ம் ஆண்டு வரையில் கணக்கெடுப்பு நடத்தப்பட்டு அதற்கான தகவல்கள் வெளியாகியுள்ளன. 

அந்தக் கணக்கெடுப்பின் படி இந்தியாவில் பிரசவகால பெண்களின் இறப்பு விகிதம் 2013ம் ஆண்டுடன் ஒப்பிடுகையில் 22 சதவீதம் குறைந்துள்ளது. இதில் அதிகபட்சமாக உத்திரப்பிரதேச மாநிலத்தில் 30 சதவீதம் குறைந்துள்ளது. இந்தியாவில் பிரசவகால பாதிப்புகளால் ஒவ்வொரு மாதமும் 1000 பெண்கள் சராசரியாக உயிரிழக்கின்றனர். 

மத்திய அரசின் புள்ளி விவரங்களின் படி, 2011-13 ஆம் ஆண்டி 167 ஆக இருந்த இறப்பு விகிதம், 2014-16 ஆம் ஆண்டுகளில் 130 ஆக குறைந்துள்ளது. தென் மாநிலங்களை பொறுத்தவரை பிரசவகால பெண்களின் இறப்பு விகிதம் 93 இல் இருந்து 77 ஆக குறைந்துள்ளது. மற்ற மாநிலங்களில் 115 இல் இருந்து 93 ஆக குறைந்துள்ளது.

           

2016 ஆம் ஆண்டில் 12 ஆயிரம் பெண்கள் பிரசவகால பாதிப்புகளில் இறந்துள்ளனர். அதாவது 2013ம் ஆண்டினை ஒப்பிடுகையில் ஒவ்வொரு நாளும் 30 பெண்கள் கர்ப்ப கால உயிரிழப்பில் இருந்து தடுத்து பாதுகாக்கப்படுகிறார்கள். இதில், கேரளா, மகாராஷ்டிரா, தமிழ்நாடு ஆகிய மாநிலங்கள் முன்னிலையில் உள்ளன. ஒரு லட்சம் பெண்களுக்கு 70 என்ற இலக்கை அவர்கள் எட்டியுள்ளார்கள். 

        

Advertisement:
இது தொடர்பான செய்திகள் :
Advertisement:
Advertisement:
[X] Close