[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

குப்பைத் தொட்டியில் கிடந்த குழந்தைக்கு தாய்ப்பால் கொடுத்தது ஏன்?: பெண் காவலர் விளக்கம்

this-is-the-mother-of-all-feel-good-stories-about-khaki

பெங்களூரில், குப்பைத் தொட்டியில் கிடந்த அனாதை குழந்தைக்கு தாய்ப்பால் ஊட்டிய பெண் போலீசுக்கு பாராட்டு குவிந்து வருகிறது.

பெங்களூரில் உள்ள எலக்ட்ரானிக் சிட்டி பகுதியில் குப்பைத் தொட்டியில், பிறந்த குழந்தை ஒன்று கிடப்பதாக போலீஸுக்கு தகவல் வந்தது. இதையடுத்து போலீசார் அந்த இடத்துக்குச் சென்று குழந்தையை மீட்டனர். குழந்தை ரத்தக்காயத்துடன் அழுதுகொண்டிருந்தது. அருகிலுள்ள மருத்துவமனைக்கு கொண்டு சென்றனர். டாக்டர்கள் குழந்தைக்கு சிகிச்சை அளித்தனர். இருந்தும் குழந்தை அழுதுகொண்டே இருந்தது. அதைக் கண்ட அர்ச்சனா என்ற பெண் போலீஸ் குழந்தையை வாங்கி தாய்பால் கொடுத்தார்.

சிறிது நேரத்தில் குழந்தை அழுகையை நிறுத்தியது. இந்த சம்பவம் பெங்களூரில் பரபரப்பானது. இந்த மனிதாபிமானச் செயலுக்காக பெண் போலீஸ் அர்ச்சனாவுக்கு பாராட்டுகள் குவிந்து வருகிறது. கர்நாடக முதல்வர் குமாராசமியும் ட்விட்டரில் அர்ச்சனாவைப் பாராட்டியுள்ளார்.

இந்த சம்பவம் பற்றி அர்ச்சனா கூறும்போது, ’பேறுகால விடுப்பு முடிந்து சமீபத்தில்தான் நான் வேலையில் மீண்டும் சேர்ந்தேன். எனக்கு ஐந்து மாத ஆண் குழந்தை உள்ளது. கைவிடப்பட்ட குழந்தை பற்றி தகவல் வந்ததும் நாங்கள் விரைந்து சென்று அதை மீட்டோம். குழந்தையை கைகளால் தூக்கினேன். அப்போதுதான் குழந்தை பிறந்திருக்க வேண்டும். ரத்தக் காயமும் இருந்தது.

உடனடியாக அருகில் இருந்த லட்சுமி மருத்துவமனைக்குக் கொண்டு சென்றோம். டாக்டர்கள் குழந்தை நல்ல உடல்நலத்துடன் இருப்பதாகத் தெரிவித்தனர். உடனே குழந்தை அழத் தொடங்கியது. தொடர்ந்து அழுதுகொண்டே இருந்தது. அது பசிக்காக அழுகிறது என புரிந்தது. யோசிக் காமல் தாய்ப்பால் கொடுத்தேன். சிறிது நேரத்தில் குழந்தை அழுகையை நிறுத்திவிட்டது. நான் பால் கொடுக்கும்போது என் மகன் அஷித்துக்கு கொடுப்பதாக நினைத்துக்கொண்டேன். தாய்ப்பால் கொடுத்ததை தவிர நான் வேறு ஒன்றும் செய்யவில்லை’ என்றார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close