[X] Close
JUST IN
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை

இந்தியாவிலேயே பெட்ரோல், டீசல் விலை இங்கதான் குறைவு!

petrol-diesel-price-lowest-in-india

இன்றைய நிலவரப்படி சென்னையில் ஒரு லிட்டர் பெட்ரோல் ரூ.79.47 மற்றும் டீசல் ரூ.71.59 ஆக விற்பனை செய்யப்படுகிறது.

கச்சா எண்ணெய் சர்வதேச மதிப்பை பொறுத்து இந்தியாவில் பெட்ரோல், டீசல் விலையை நிர்ணயித்து எண்ணெய் நிறுவனங்கள் விற்பனை செய்து வருகின்றன. கச்சா எண்ணெய்யின் விலை உயர்வால் இந்தியாவில் நாளுக்கு நாள் உயர்ந்து வரும் பெட்ரோல், டீசல் விலை கடுமையான விலை உயர்வை அடைந்துள்ளது. 

கர்நாடகத் தேர்தலுக்கு முன்னர் 19 நாட்களாக பெட்ரோல், டீசல் விலை உயர்த்தப்படாமல் இருந்தது. தேர்தல் முடிந்த அடுத்த நாட்களில் விலை உயர்த்தப்பட்டது. இன்றுடன் 8வது நாளாக தொடர்ந்து பெட்ரோல், டீசல் விலை உயர்த்தப்பட்டுள்ளது. இன்றைய நிலவரப்படி சென்னையில் ஒரு லிட்டர் பெட்ரோல் ரூ.79.47, மும்பையில் ரூ.84.40, கொல்கத்தாவில் ரூ.79.24 மற்றும் டெல்லியில் ரூ.76.57 ஆக விற்பனை செய்யப்படுகிறது.

டீசலை பொறுத்தவரையில் சென்னையில் ரூ.71.59 மற்றும் டெல்லியில் ரூ.67.82 ஆக விற்பனை செய்யப்படுகிறது. உள்ளூர் விற்பனை வரி மற்றும் மதிப்புக் கூட்டு வரியின் வேறுபாடுகளே, மாநிலம் வாரியாக விலை மாற்றம் இருப்பதற்கு காரணமாகும். பெட்ரோலின் விலை நாட்டிலேயே அதிகபட்சமாக மும்பையில் தான் ரூ.84.40க்கு விற்பனை செய்யப்படுகிறது. நாட்டிலேயே டீசல் விலை அதிகபட்சமாக விற்கப்படுவது ஹைதராபாத்தில் தான். அங்கு ஒரு லிட்டர் டீசல் ரூ.73.72 ஆக விற்பனை செய்யப்படுகிறது.  

நாட்டிலேயே குறைந்த பட்ச விலையில் பெட்ரோல், டீசல் விற்பனை செய்யப்படுவது, அந்தமான் தலைநகர் போர்ட் பிளேய்ரில் தான். இங்கு ஒரு லிட்டர் பெட்ரோல் ரூ.66.01 மற்றும் டீசல் ரூ.63.58 ஆக விற்பனை செய்யப்படுகிறது. இதுதொடர்பாக கூறும் பொருளாதார நிபுணர்கள், இந்தியாவில் பெட்ரோல், டீசல் குறைவதற்கு ஒரே வழி வரி குறைப்பு தான் என்கின்றனர். பெட்ரோலின் விலையை விட கூடுதலாக மத்திய, மாநில அரசுகளுக்கு வரி செலுத்துவதே விலை உயர்விற்கு காரணம் என்றும் தெரிவிக்கின்றனர். எனவே பெட்ரோல் விலையை ஜி.எஸ்.டி வரியின் கீழ் கொண்டுவர வேண்டும் என பொருளாதார நிபுணர்கள் மற்றும் பொதுமக்கள் கோரிக்கை விடுத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close