[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

உரிமையையும், கடமையையும் விட்டுக்கொடுக்காமல் கலக்கிய மணமக்கள்..!

bride-casts-her-voting-after-wedding-in-karnataka

கர்நாடகாவில் நடைபெற்று வரும் சட்டப்பேரவைத் தேர்தலில் மணமக்கள் சிலரும் மாலையும் கழுத்துமாக வந்து கடமை தவறாது தங்களது ஜனநாயகக் கடமையை ஆற்றினர்.

கர்நாடகா மாநிலத்தில் உள்ள 222 சட்டப்பேரவை தொகுதிகளில் இன்று வாக்குப்பதிவு நடைபெற்று வருகிறது.  காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற உள்ளது. வாக்காளர்கள் காலை 7 மணியிலிருந்தே நீண்ட வரிசைகளில் நின்று தங்களது ஜனநாயகக் கடமையை ஆற்றி வருகின்றனர். பிற்பகல் 3 மணி வரை 56 சதவீத வாக்குகள் பதிவாகியுள்ளன.

இதனிடையே தேர்தல் நாளான இன்று திருமணம் நிச்சயம் செய்யப்பட்ட மணமக்கள் சிலரும் மாலையும் கழுத்துமாக வந்து தங்களது ஜனநாயகக் கடமையை ஆற்றினார்கள். கர்நாடகாவின் முக்கிய நகரான பகல்காட்டில் புதிதாக திருமணம் செய்து கொண்ட ஜோடி, தங்களது திருமண சடங்குகளை முடித்த கையுடன் தங்களது வாக்குச் சாவடிக்கு சென்று வாக்கினை பதிவு செய்தனர். ஜோடியுடன் அவர்களது உறவினர்களும் வந்திருந்தனர். வாக்களித்த பின் பேசிய அவர்கள், “தேர்தலில் வாக்களிப்பது எங்களது ஜனநாயகக் கடமை. தேர்தல் நாளிலே எங்களுக்கு திருமணம் நிச்சயம் செய்யப்பட்டது. நாங்கள் விரும்பிய நபர்களுக்கு வாக்களித்து மகிழ்ச்சி” என தெரிவித்தனர். 

அதேபோல மடிகேரி பகுதியில் உள்ள வாக்குச்சாவடி 131-ல் மணப்பெண் ஒருவர் தனது வாக்கினை பதிவு செய்தார். இந்த வாக்குச் சாவடியில் அவரது கணவருக்கு ஓட்டு இல்லை. அதனால் உறவினருடன் வந்த மணப்பெண் தனது வாக்கினை பதிவு செய்தார். மங்களூர் பகுதியில் உள்ள மணப்பெண் ஒருவரும் தேவாலயத்தில் தனது திருமணத்தை முடித்த கையோடு விரைந்து வாக்குச்சாவடிக்கு வந்து வரிசையில் நின்று தனது வாக்கினை செலுத்தினார். ‘இன்னும் 5 வருடம் ஆளப்போகும் நபரை தேர்வு செய்ய எனக்கு உரிமை உள்ளது. அதனால் எனது ஜனநாயக உரிமையை ஆற்ற வந்தேன்” என அப்பெண் தெரிவித்தார்.

கர்நாடகா சட்டப்பேரவைத் தேர்தலில் ஆளும் காங்கிரஸ் கட்சிக்கும் பாஜகவிற்கும் இடையே கடும் போட்டி நிலவுகிறது. இன்று பதிவாகும் வாக்குகள் அனைத்தும் மே 15ம் தேதி எண்ணப்பட்டு அன்றைய தினமே முடிவுகள் அறிவிக்கப்படுகின்றன.

Advertisement:
Advertisement:
Advertisement:
[X] Close