[X] Close
JUST IN
  • BREAKING-NEWS கர்நாடகா: இன்று மாலை 6 மணிக்கு நம்பிக்கை வாக்கெடுப்பு நடத்த கோரிய வழக்கு நாளைக்கு ஒத்திவைப்பு
  • BREAKING-NEWS தமிழகத்தில் பரவலாக 2 நாட்களுக்கு மழை நீடிக்கும் - சென்னை வானிலை ஆய்வு மையம்
  • BREAKING-NEWS சூரியனை ஆய்வு செய்ய அடுத்த ஆண்டு ஆதித்யா விண்கலம் அனுப்பப்படும் - இஸ்ரோ தலைவர் சிவன்
  • BREAKING-NEWS கர்நாடகாவில் திறந்து விடப்பட்ட காவிரி நீர் மேட்டூர் அணையை வந்தடைந்தது

கர்நாடகாவை ஆளப்போவது யார்?: விறு விறுவென நடக்கும் வாக்குப்பதிவு

voting-for-karnataka-elections-2018-begins

கர்நாடக சட்டப்பேரவைத் தேர்தலுக்கான வாக்குப்பதிவு தொடங்கியது. 2 தொகுதிகளுக்கு தேர்தல் ஒத்திவைக்கப்பட்ட நிலையில் 222 தொகுதிகளில் வாக்குப்பதிவு நடைபெறுகிறது. தற்போது வரை 56 % வாக்குகள் பதிவாகியுள்ளது. காலையில் மந்தமாக வாக்குகள் பதிவான நிலையில், பிற்பகலில் மக்கள் அதிக அளவில் வாக்களிக்க தொடங்கியுள்ளனர்

கர்நாடக சட்டப்பேரவைத் தேர்தலில் 56,696 வாக்குச் சாவடிகளில் 4 கோடியே 97 லட்சம் வாக்காளர்கள் தங்கள் வாக்கை செலுத்த உள்ளனர். ஆளும் கட்சியான காங்கிரசும் எதிர்க்கட்சியான பாரதிய ஜனதாவும் தலா 222 தொகுதிகளில் போட்டியிடுகின்றன. ஐக்கிய ஜனதா தளம் 201 தொகுதிகளில் களம் இறங்க உள்ளது. நேர்மையான முறையில் அசம்பாவிதங்கள் ஏதுமின்றி தேர்தல் நடத்த ஏதுவாக மாநிலமெங்கும் ஒரு லட்சத்து 40 ஆயிரம் போலீசார் பாதுகாப்பு பணியில் ஈடுபடுத்தப்பட்டுள்ளனர். 

அடுத்தாண்டு நடைபெறவுள்ள மக்களவைத் தேர்தலுக்கு முன்னோட்டமாக இந்தத் தேர்தல் பார்க்கப்படுவதால் நாடே இந்த தேர்தலை உற்று நோக்குகிறது. காங்கிரஸ் ஆட்சி செய்யும் ஒரே பெரிய மாநிலம் என்பதால் கர்நாடகாவை தக்க வைக்க அக்கட்சி போராடி வருகிறது. மறுமுனையில் தென்னிந்தியாவில் ஒரு மாநிலத்திலாவது அரியணையில் அமரும் வேகத்தில் பாஜக களமிறங்கியுள்ளது. கடந்த 33 ஆண்டுகளில் கர்நாடகாவில் எந்த ஒரு கட்சியும் தொடர்ந்து 2வது முறையாக ஆட்சி அமைத்தது கிடையாது என்பது குறிப்பிடத்தக்கது. இந்நிலையில் கர்நாடகாவை ஆளப்போவது யார் என்பது வரும் 15ம் தேதி மதியம் தெரிந்துவிடும்.
 

Advertisement:
இது தொடர்பான செய்திகள் :
Advertisement:
Advertisement:
[X] Close