[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

‘உள்ளாடையை கழற்றுமாறு வற்புறுத்தினார்கள்’ - நீட் தேர்வு எழுதிய மாணவி போலீசில் புகார்

kerala-student-forced-to-remove-bra-for-neet-files-case-on-invigilator-for-staring

கேரளாவில் நீட் தேர்வு எழுதிய மாணவியின் உள்ளாடையை அகற்ற கட்டாயப்படுத்தப்பட்ட சம்பவம் நடந்துள்ளது. தனக்கு நேர்ந்த சம்பவம் குறித்து அந்த மாணவி சார்பில் காவல்துறையில் புகார் அளிக்கப்பட்டுள்ளது.

பாலக்காடு கொப்பம் பகுதியில் உள்ள தனியார் பள்ளியில் மாணவி ஒருவர் தேர்வு எழுத சென்றுள்ளார். தேர்வு அறைக்குள் நுழையும் முன்பு அனைத்து சோதனைகளும் அவருக்கு நடத்தப்பட்டது. சோதனை முடிந்ததால் உள்ளே செல்லலாம் என்று நினைத்தவருக்கு மீண்டும் ஒரு அதிர்ச்சிகரமான சோதனை. மாணவியின் மேல் உள்ளாடையை சோதனையாளர்கள் கழற்றுமாறு கூறியுள்ளனர். அதாவது சிபிஎஸ்இ விதிமுறைகளின் படி ஆடைகளில் மெட்டல் இருக்கக் கூடாது. அந்த மாணவியின் உள்ளாடையில் மெட்டல் இருந்துள்ளதாக கூறப்படுகிறது. சோதனையாளர்கள் சொன்னதை கேட்டதும் அவர் அதிர்ச்சி அடைந்துள்ளனர். சில நொடிகள் செய்வது அறியாது திகைத்து நின்றுள்ளார். 

கலவரமடைந்த முகத்துடன் காணப்பட்ட அந்த மாணவி வேறு வழியில்லாமல் சோதனையாளர்களின் வலியுறுத்தலுக்கு இசைந்தார். ஏற்கனவே தன்னுடைய ஷாலை கூட பெற்றோரிடம் கொடுத்துவிட்டு தான் அவர் தேர்வு அறைக்குள் வந்திருந்தார். இந்த சோதனைக்கு பிறகு அந்த மாணவி தேர்வு அறைக்குள் எந்த மனநிலையில் இருந்திருப்பார் என்ற கேள்வியும் இயல்பாக எழுகிறது. தனக்கு நேர்ந்த சம்பவம் குறித்து அந்த மாணவி பாலக்காடின் வடக்கு நகர காவல் நிலையத்தில் நேற்று புகார் அளித்துள்ளார். அந்த புகாரில், உள்ளாடையை கழட்ட நேர்ந்த போது மிகவும் அவமானமாக உணர்ந்ததாக அவர் கூறியுள்ளார். 

          

இதுகுறித்து மாணவியின் உறவினர் கூறுகையில், “மாணவி எல்லாவிதமாக ஆடைக் கட்டுப்பாடு விதிகளை பின்பற்றிதான் இருந்தார். அவர் ஷால் கூட அணியவில்லை. அப்போது, தனது மேல் உள்ளாடையை கழட்ட சொன்னது அதிர்ச்சியூட்டக்கூடிய அனுபவமாக அவருக்கு இருந்தது. அதற்கும் மேலாக, தேர்வு எழுதும் போது ஆண் கண்காணிப்பாளர் தன்னுடைய உடலை மரியாதை குறைவாக பார்த்துள்ளார் என்றும் கூறினார். இதனால் அவர் மிகவும் பயந்துள்ளார்” என்றார். 

பாதிக்கப்பட்ட மாணவி கூறுகையில், “தன்னுடன் சேர்த்து மேலும் 25 மாணவிகளின் மேல் உள்ளாடைகளை சோதனையின் போது கழற்ற வைத்தார்கள். அதுதான் விதிமுறை என்பதை ஒப்புக் கொள்கிறேன். ஆனால், அதனை சரியாக நடைமுறைப்படுத்தி இருக்க வேண்டும். ஆடை மாற்றும் அறைகள் சரியான பாதுகாப்பு உடன் இல்லை” என்றார். மேலும், “இதுதான் விதிமுறை என்று நினைத்து, அந்த இடத்தில் நான் எதிர்ப்பு எதனையும் தெரிவிக்கவில்லை. தேர்வு முடிந்து நண்பர்களிடம் பேசிய பிறகு தான், தன்னுடைய தேர்வு மையத்தில் மட்டும் இதுபோன்று நடந்துள்ளது தெரிந்தது” என்றார். மாணவி அளித்த புகாரின் அடிப்படையில் காவல்துறையினர் வழக்குப் பதிவு செய்து விசாரணையை மேற்கொண்டு வருகின்றனர். 

           

தேர்வு நடந்த பள்ளி சார்பில், “எங்கள் பள்ளியில் நடந்த தேர்வில் பணியில் இருந்தவர்கள் அனைவரும் பெண் கண்காணிப்பாளர்கள் தான். சிபிஎஸ்இ சார்பில் ஒரு ஆண் கண்காணிப்பாளர் மட்டும் பார்வையாளராக வந்தார்” என்று தெரிவிக்கப்பட்டுள்ளது.

(Courtesy - Newminite)

Advertisement:
இது தொடர்பான செய்திகள் :
Advertisement:
Advertisement:
[X] Close