[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

தலையில் காயம்; ஆனால் காலில் துளைப்போட்டு ஆபரேஷன் செய்த டாக்டர்

delhi-doctor-performs-leg-surgery-on-a-wrong-patient

டெல்லியில் தலையில் காயம் என சென்றவருக்கு காலில் அறுவை சிசிக்சை செய்த சம்பவம் அதிர்ச்சியை ஏற்படுத்தியுள்ளது. நோயாளி யார் என தெரியாமலேயே மருத்துவம் பார்த்த மருத்துவரால், நோயாளியின் உறவினர்கள் வேதனை அடைந்துள்ளனர்.

டெல்லியில் சுஷ்ருதா ட்ராமா மையம் என்ற மருத்துவமனை செயல்பட்டு வருகிறது. டெல்லி அரசாங்கத்தின் கீழ் செயல்படும் மருத்துவமனைதான் இது. இங்கு தலை மற்றும் முகத்தில் ஏற்பட்ட சிறிய காயத்திற்காக விஜேந்திர தியாகி என்பவர் அனுமதிக்கப்பட்டுள்ளார். இதே வார்டில் வேறு ஒரு நபரும் சிகிச்சைக்காக  அனுமதிக்கப்பட்டிருக்கிறார். அவருக்கு காலில் காயம். அந்த நபருக்கு அறுவை சிகிச்சை மேற்கொள்ள வந்த டாக்டர், நோயாளி யார் என்றே தெரியாமல் விஜேந்திர தியாகிக்கு காலில் அறுவை சிகிச்சை செய்துவிட்டார். நன்றாக இருந்த காலில் துளைபோட்டு ஒரு ஊசி ஒன்றை சொருகி நோயாளி யார் என தெரியாமலேயே அறுவை சிசிக்சையை செய்திருக்கிறார் அந்த மருத்துவர். மயக்க மருந்து போட்டு அறுவை சிகிச்சை மேற்கொண்டதால் நோயாளிக்கும் அதுகுறித்த எந்த விவரமும் தெரியவில்லை. தலையில் காயம் என்று சென்றால் காலில் அறுவை சிசிக்சை செய்துவிட்டார்களே..? என பதட்டமடைந்த விஜேந்திர தியாகியின் மகன் அதுகுறித்து மருத்துவரிடம் முறையிட்டிருக்கிறார். பின்னர் 1 மணி நேரத்திற்குள் மீண்டும் அந்த நபருக்கு சரியான சிகிச்சை அளிக்கப்பட்டிருக்கிறது. இந்த விவகாரம் தொடர்பாக பதிலளித்த மருத்துவமனை கண்காணிப்பாளர், சம்பந்தப்பட்ட பிரச்னை குறித்து விசாரிக்க குழு அமைக்கப்பட்டுள்ளதாக தெரிவித்தார். சம்பந்தப்பட்ட மருத்துவர் மேற்பார்வை இல்லாமல் அறுவை சிகிச்சை மேற்கொள்ள தடை விதிக்கப்பட்டுள்ளது என்றும் கூறினார்.

இதனிடையே விஜேந்திர தியாகியின் மகன் கூறும்போது, “எனது தந்தைக்கு இன்னும் தலை மற்றும் நெஞ்சுப்பகுதியில் காயம் உள்ளது. ஆனால், மருத்துவர் தெரியாமல் காலில் சிகிச்சை செய்துள்ளார். இதனால் அவரால் இப்பொழுது நடக்கவும் முடியவில்லை. தவறு செய்த மருத்துவர் மீது தக்க நடவடிக்கை எடுக்க வேண்டும்” எனவும் தெரிவித்தார்.

Advertisement:
Advertisement:
Advertisement:
[X] Close