[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

175 ரூபாய்க்காக இழைக்கப்பட்ட அநீதி - 95 வயது மூதாட்டி உடலை அடக்கம் செய்ய மறுத்த மசூதி

for-rs-175-95-yr-old-kerala-woman-denied-burial-at-mosque-she-went-to-all-her-life

கேரளாவில் 95 வயதுடைய மூதாட்டி உடலை அடக்கம் செய்ய மசூதி கமிட்டி மறுத்துவிட்டதாக அவரது மகள்கள் புகார் தெரிவித்துள்ளனர். 

கொல்லம் மாவட்டத்திற்கு அருகில் உள்ள தட்டமாலா பகுதியைச் சேர்ந்தவர் கதீஜா பீவி. இவருக்கு நான்கு மகன்கள். திருமணமான சில வருடங்களிலேயே கதீஜாவை கைவிட்டு சென்றுவிட்டார் அவரது கணவர். 95 வயது மூதாட்டியான கதீஜா பிப்ரவரி 10-இல்  உயிரிழந்தார். இறப்பதற்கு முன்பாக ‘தான் உயிரிழந்தால் தட்டமாலா மசூதியில் தன்னுடைய உடலை அடக்கம் செய்ய வேண்டும்’ என்று விருப்பம் தெரிவித்து இருந்தார்.

ஆனால், தட்டமாலா ஜமாத் கமிட்டி கதீஜா உடலை அடக்கம் செய்ய மறுத்துவிட்டதாக கூறப்படுகிறது. இதுகுறித்து அவரது மகள்கள் கூறுகையில், “மசூதியில் உறுப்பினர் தொகையை கட்ட தவறிவிட்டார் என கமிட்டி கூறியது. உறுப்பினருக்கான மாதக் கட்டணம் ரூ175. கடைசி மாதம் வரை கட்டணம் செலுத்தியதற்கான ரசீது எங்களிடம் உள்ளது. எங்களுடைய தந்தை புதைக்கப்பட்ட மசூதியில் தாயையும் அடக்கம் செய்யுமாறும் கமிட்டி கூறுகிறது” என்றார்.

மேலும், கதீஜாவின் மகளான முதும் பீவி கூறுகையில், “எங்களுக்கு எங்களது தந்தையையோ, அவரது உறவினர்களையோ ஞாபம் கூட இல்லை. பின்னர் எப்படி ஜமாத் கமிட்டி கூறுவது போல் எங்களால் தந்தை இறந்த இடத்தில் அடக்கம் செய்ய முடியும். எங்களுடைய தாய் எங்களை வளர்க்க மிகவும் கஷ்டப்பட்டார். நாங்கள் சிறு வயதாக இருந்தபோது, எங்கள் உறவினர்கள் வீட்டில் வளர்ந்தோம். இந்த மசூதியில் தான் எங்கள் தாய் பக்தராக இருந்தார். கடைசி வரை இந்த மசூதியில் தான் பக்தராக இருந்து வந்தார். உறுப்பினர் தொகையை கட்ட அவர் தவறியதே இல்லை” என்றார். 

மேலும் அவர் கூறுகையில், “எங்களுடைய தாய் கடந்த 6 ஆண்டுகளாக படுத்த படுக்கையாக இருந்தார். அவருடைய ஒரே விருப்பம் தட்டமாலா மசூதியில் அவரது உடலை அடக்கம் செய்வதுதான். 

பிப்ரவரி 10ம் தேதி கதீஜா இறந்த நிலையில், மறுநாள் அவரது உடலை அடக்கம் செய்ய மசூதியில் மகள்களும், உறவினர்களும் திரண்டுள்ளனர். அடக்கம் செய்வதற்கான ஏற்பாடுகளும் செய்யப்பட்டிருந்தது. ஆனால், கதீஜா உடலை அங்கு அடக்கம் செய்ய முடியவில்லை. உறுப்பினர் கட்டணத்தை செலுத்தவில்லை என்று கூறி ஜமாத் கமிட்டி உறுப்பினர்கள் தடுத்துவிட்டனர்.

ஆனால், தட்டமாலா மசூதியில் நடப்பதை அறிந்த கிலிகொல்லூரில் உள்ள கிழக்கெகரா மசூதி தங்கள் இடத்தில் கதீஜாவின் உடலை அடக்கம் செய்து கொள்ள அன்று மாலையே ஏற்பாடு செய்து கொடுத்தது. உடலை அடக்கம் செய்த பின்னர், மாநில பெண்கள் நல ஆணையத்திடம் கதீஜாவின் மகள்கள் நடந்த சம்பவம் குறித்து புகார் அளித்தனர். இதுகுறித்து முதும் பீவி கூறுகையில், “எங்களுக்கு நடந்தது போல் மற்ற யாருக்கும் நடக்க கூடாது. அதனால் தான் ஆணையத்திடம் சென்று முறையிட்டோம்” என்றார். 

Advertisement:
Advertisement:
Advertisement:
[X] Close