[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

ஆசிஃபா வழக்கில் கைதான இளைஞரின் முந்தைய குற்றங்களும் அம்பலமானது..!

proxy-candidate-wrote-exam-for-kathua-accused

சிறுமி ஆசிஃபா பாலியல் வன்கொடுமை செய்யப்பட்டு கொலை செய்யப்பட்ட வழக்கில் கைதாகியுள்ள ஒருவர், தேர்வில் தனக்கு பதில் இன்னொருவரை வைத்து தேர்வு எழுதி மோசடியில் ஈடுபட்டதும் தெரியவந்துள்ளது.

ஜம்மு-காஷ்மீர் மாநிலம் கதுவா மாவட்டத்தில் ஆசிஃபா என்ற 8 ‌வயதுச் சிறுமி கடந்த ஜனவரி 10ஆம் தேதி காணாமல் போனார். ஒரு வாரத்திற்குப் பிறகு ராஸன்னா வனப்பகுதியில் இருந்து சிறுமியின் உடல் கண்டெடுக்கப்பட்டது. இந்தச் சிறுமியை ஒரு சிறுவன் உட்பட 8 பேர் சேர்ந்து வழிபாட்டுத்தலம் ஒன்றில், மறைத்து வைத்து பலமுறை பாலியல் வன்கொடுமைக்கு உள்ளாக்கியது கண்டுபிடிக்கப்பட்டது. இதுதொடர்பாக டெல்லி தடயவியல் துறையினர் மேற்கொண்ட விசாரணையில், 18 வயது நிரம்பாத அந்தச் சிறுவன், சிறுமியை அடித்துக்கொலை செய்தது உறுதி செய்யப்பட்டுள்ளது. இந்தச் சம்பவத்திற்கு இந்திய அளவில் கண்டனக் குரல்கள் எழுந்து வருகின்றன. பலரும் சமூக வலைத்தளங்களில் ஆசிஃபாக்கு நீதி வேண்டும் என பதிவிட்டு வருகின்றனர்.

கைது செய்யப்பட்டவர்களில் விஷால் ஜன்கோத்ரா என்பவரும் ஒருவர். இவரிடம் போலீசார் தீவிர விசாரணை மேற்கொண்டனர். அப்போது சம்பவத்தன்று தான் உத்தரப்பிரதேசத்தில் பிஎஸ்சி தேர்வு எழுதிக் கொண்டிருந்ததாகக் கூறினார். இதனையடுத்து உத்தரப்பிரதேசத்தின் மீரட் நகரில் உள்ள சவுத்ரி சரண் சிங் பல்கலைக்கழகத்தின் பதிவாளர், போலீசார் கேட்டுக்கொண்டதன் பேரில் இது சம்பந்தமான வீடியோ காட்சிகளை ஆய்வு செய்திருக்கிறார். அதில் விஷால் ஜன்கோத்ராவும் அவரின் மற்ற 3 நண்பர்களும் கடந்த ஜனவரி மாதம் தேர்வு எழுதாதது தெரியவந்திருக்கிறது. மேலும் விஷால் மற்றும் அவரின் 3 நண்பர்கள் சார்பில் தேர்வு எழுதியதாக கொடுக்கப்பட்ட ஆவணங்கள் அனைத்தும் போலியானவை என தெரியவந்துள்ளது. இதுதவிர 4 பேரும் தங்களது முகவரியை மாற்றிக்கொடுத்ததும் தெரியவந்துள்ளது.

தேர்வு சமயத்தில் சம்பந்தப்பட்ட மாணவர்கள் தேர்வு எழுதவில்லை. ஆனால் விடைத்தாள் கொடுக்கப்பட்டுள்ளது. எனவே வேறு ஒரு நபரை வைத்து தேர்வு எழுதி விஷால் ஜன்கோத்ரா மோசடியில் ஈடுபட்டிருக்கலாம் என்றும் கூறப்படுகிறது. எனவே இந்தச் சம்பவம் குறித்தும் விசாரணை நடைபெற்று வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close