[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

சபரிமலையில் யானைக்கு மதம் பிடித்தது - 9 பேருக்கு காயம்

sabarimala-temple-elephant-gone-wild-and-injures-9-pilgrims

கேரள மாநிலம் சபரிமலையில் ஐயப்பனுக்கு ஆராட்டு நிகழ்ச்சிக்காக பம்பையில் இருந்து ஐயப்ப பக்தர்கள் ஊர்வலமாக சந்நிதானம்
புறப்பட்டு சென்றனர். சரண கோஷங்கள் முழங்க நடந்த ஊர்வலத்தில் அலங்கரிக்கப்பட்ட ஐயப்பன் விக்ரகத்தை சுமந்தவாறு சபரிமலை
மேல்சாந்தியின் உதவியாளர் திருச்சூரை சேர்ந்த தினேஷ் (29) என்பவர் யானை மீதேறி பயணித்தார்.  ஊர்வலம் அப்பாச்சிமேடு பகுதியை வந்தடைந்தபோது, திடீரென யானைக்கு மதம் பிடித்தது, மேல்சாந்தியின் உதவியாளரை சுமந்தவாறு யானை வேகமாக ஓட ஆரம்பித்தது. ஐயப்ப பக்தர்கள் அலறியத்தவாறு அங்குமிங்கும் சிதறி ஓடினர்.  

யானையை விரட்டி கட்டுக்குள் கொண்டுவர யானையின் வாலை பிடித்த யானைப்பாகன் கிருஷ்ணகுமாருக்கு தவறி விழுந்ததில் கால் முறிந்தது. யானை மீதிருந்த மேல்சாந்தியின் உதவியாளர் யானை மீதிருந்து கீழே விழுந்து அவருக்கு தலையில் பலத்த காயம் ஏற்பட்டது. இருவரும் மேல்சிகிச்சைக்காக கோட்டயம் மருத்துக்கல்லூரி மருத்துவமனைக்கு சிகிச்சைக்காக அனுமதிக்கப்பட்டுள்ளனர். ஊர்வலத்தில் வந்த ஒன்பது ஐயப்ப பக்தர்கள் லேசான காயங்களுடன் உயிர் தப்பினர். யானைக்கு முன்பாக விட்டு நான்கைந்து மீட்டர் தூரத்தில் பக்தர்கள் சென்றதாலும் யானைக்கு மதம்பிடித்ததைக்கண்ட  பக்தர்களின் அலறல் சப்தத்தாலும் யானை ஓடும் வழியில் பக்தர்கள் யாரும் இல்லை. இதனால் பெரும் உயிர்ச்சேதம் தவிர்க்கப்பட்டது. காட்டிற்குள் ஓடிய யானையை பாகன்கள் காட்டிற்குள்ளேயே கட்டிவைத்து அதை சமாதானமடையச் செய்யும் வழிமுறைகளை கையாண்டு வருகின்றனர். ஆனாலும், சந்நிதானத்தில் வழக்கமாக ஐயப்பனுக்கான ஆறாட்டு நிகழ்ச்சி முறைப்படி நடந்து முடிந்தது.
 

Advertisement:
இது தொடர்பான செய்திகள் :
Advertisement:
Advertisement:
[X] Close